படும்
என்று முடியும் குறள்கள்
வையத்துள் வாழ்வாங்கு வாழ்பவன் வானுறையுந்
தெய்வத்துள் வைக்கப் படும்
இளங்குமரனார்
உலகில் வாழ வேண்டிய முறைப்படி வாழ்பவன் தெய்வத் தன்மையன் ஆவன்.
தக்கார் தகவில ரென்ப தவரவ
ரெச்சத்தாற் காணப் படும்
இளங்குமரனார்
இவர் தகுதியானவர் இவர் தகுதி இல்லாதவர் என்பதை, அவர் உலகில் வைத்துச் சென்றவற்றால் அறியவரும்.
ஒழுக்கம் விழுப்பந் தரலா னொழுக்க
முயிரினு மோம்பப் படும்
இளங்குமரனார்
ஒழுக்கம் எல்லாச் சிறப்புகளையும் தருதலால் அதனை உயிரினும் மேலாகக் காக்க வேண்டும்.
நிறையுடைமை நீங்காமை வேண்டிற் பொறையுடைமை
போற்றி யொழுகப் படும்
இளங்குமரனார்
மன உறுதி நீங்காமல் இருக்க வேண்டுமானால் பொறுமையாக நடத்தலால் உண்டாகும்.
அவ்விய நெஞ்சத்தா னாக்கமுஞ் செவ்வியான்
கேடு நினைக்கப் படும்
இளங்குமரனார்
பொறுமையாளன் செல்வம் செல்வமன்று;பொறாமையாளன் வறுமை வறுமையன்று.
அறஞ்சொல்லு நெஞ்சத்தா னன்மை புறஞ்சொல்லும்
புண்மையாற் காணப் படும்
இளங்குமரனார்
ஒருவன் புறங்கூறும் இழிதன்மையால் அவன் அறங் கூறும் மனத்தான் அல்லன் என்பது விளங்கும்.
பிறன்பழி கூறுவான் றன்பழி யுள்ளுந்
திறன்றெரிந்து கூறப் படும்
இளங்குமரனார்
பிறனைப் பழிப்பவனின் பழிகளிலும் மிக்கவற்றைத் தேர்ந்து பிறர் அவனைப் பழிப்பதும் உறுதியாகும்.
பல்லார் முனியப் பயனில சொல்லுவா
னெல்லாரு மெள்ளப் படும்
இளங்குமரனார்
பலரும் வெறுக்குமாறு பயனில்லாத சொல்லைச் சொல்பவனை அனைவரும் இகழ்வர்;
தீயவை தீய பயத்தலாற் றீயவை
தீயினு மஞ்சப் படும்
இளங்குமரனார்
தீய செயல் என்றும் தீமையே தருதலால் அத்தீய செயல் தீயினும் கொடியதாக அஞ்சக் கூடியது.
ஒத்த தறிவா னுயிர்வாழ்வான் மற்றையான்
செத்தாருள் வைக்கப் படும்
இளங்குமரனார்
உலகோர்க்கு ஒத்ததிது என வாழ்பவனே உயிர் வாழ்பவன், மற்றவன் இறந்தவரோடு வைக்கத்தக்கவன்.
வேண்டிய வேண்டியாங் கெய்தலாற் செய்தவ
மீண்டு முயலப் படும்
இளங்குமரனார்
விரும்பியவை விரும்பியவாறு வருதலால் தவம் செய்யும் முயற்சி மேற்கொள்ளப் படுகின்றதாம்.
புறந்தூய்மை நீரா னமையு மகந்தூய்மை
வாய்மையாற் காணப் படும்
இளங்குமரனார்
உடல் தூய்மை நீரினால் உண்டாகும்; உளத் தூய்மை பொய்சொல்லாமையால் உண்டாகும்.
நாச்செற்று விக்குண்மேல் வாராமு னல்வினை
மேற்சென்று செய்யப் படும்
இளங்குமரனார்
நாவொடுங்கி விக்கல் வருமுன் செய்யத்தக்க நல்ல செயல்களைச் செய்துவிடுதல் வேண்டும்.
பற்றற்ற கண்ணே பிறப்பறுக்கும் மற்று
நிலையாமை காணப் படும்
இளங்குமரனார்
பற்றுகள் ஒழிந்தபோதே பிறவித் துன்பம் ஒழியும்; பின்னர் உலக நிலையாமை உண்மையாய் விளங்கும்.
முறைசெய்து காப்பாற்று மன்னவன் மக்கட்
கிறையென்று வைக்கப் படும்
இளங்குமரனார்
நடுவுநிலைப்படி ஆட்சி செய்பவனே அவன் நாட்டு மக்களால் கண்களலும் இறைவனென எண்ணப்படுவான்.
கல்லா வொருவன் றகைமை தலைப்பெய்து
சொல்லாடச் சோர்வு படும்
இளங்குமரனார்
கல்லாத ஒருவனின் அறிவு இல்லாமை, அவன் உரையாடத் தொடங்கிய அளவில் புலப்பட்டு விடும்.
செவிக்குண வில்லாத போழ்து சிறிது
வயிற்றுக்கு மீயப் படும்
இளங்குமரனார்
கேட்டறியும் அறிவுச் செல்வம் கிடையாத பொழுதில் சிறிதளவு வயிற்றுணவு கொள்ளலாம்.
ஆற்றின் வருந்தா வருத்தம் பலர்நின்று
போற்றினும் பொத்துப் படும்
இளங்குமரனார்
ஒருசெயலைச் செய்யும் போதே முயலாத முயற்சி பின்னர்ப் பலர் உதவி கிடைப்பினும் நிறைவேறுதல் அரிதாகும்.
அறம்பொரு ளின்ப முயிரச்ச நான்கின்
றிறந்தெரிந்து தேறப் படும்
இளங்குமரனார்
அறம் பொருள் இன்பம் உயிருக்கு அஞ்சுதல் என்னும் நான்கு வகையாலும் தெரிந்து தக்கவர் எனின் ஏற்கலாம்.
நன்மையுயந் தீமையு நாடி நலம்புரிந்த
தன்மையா னாளப் படும்
இளங்குமரனார்
நல்லதன்மை அல்லதன்மை ஆகிய இரண்டையும் எண்ணி நல்லதன்மைக்குரியவனைக் கொள்ளல் வேண்டும்.
கண்ணிற் கணிகலங் கண்ணோட்ட மஃதின்றேல்
புண்ணென் றுணரப் படும்
இளங்குமரனார்
கண்ணிற்கும் நக்க அணிசமாவது கண்ணோட்டமே: அதனை இல்லாவிட்டால் 'கண்' 'புண்' என்றே கருதப்படும்.
ஒற்றொற் றுணராமை யாள்க வுடன்மூவர்
சொற்றொக்க தேறப் படும்
இளங்குமரனார்
ஓர் ஒற்றனும் மற்றோர் ஒற்றனும் அறியாவகையில் ஆய்ந்து மூவர் சொல் ஒன்று போல் இருப்பின் ஒப்பத் தக்கதாம்.
அடுக்கி வரினு மழிவிலா னுற்ற
விடுக்க ணிடுக்கட் படும்
இளங்குமரனார்
தொடுத்து வந்தாலும் அசையாத உறுதியாளனை வருத்தவரும் துன்பமே துன்பப்படும்.
இளைய ரினமுறைய ரென்றிகழார் நின்ற
வொளியோ டொழுகப் படும்
இளங்குமரனார்
ஆள்பவரை இளையர் என்றும் உறவினர் என்றும் இகழாமல் அவர் பதவிக்குத் தக நடந்து கொள்ளல் வேண்டும்.
இனம்போன் றினமல்லார் கேண்மை மகளிர்
மனம்போல வேறு படும்
இளங்குமரனார்
ஒத்தவர் போல் இருந்து ஒவ்வாதவர் நட்பு, பொருட் பெண்டின் மனத்தைப் போல் இருவேறுபட்ட தாகும்.
முகத்தி னினிய நகாஅ அகத்தின்னா
வஞ்சரை யஞ்சப் படும்.
இளங்குமரனார்
முகம் மலரச் சிரித்து, மனத்தில் மாறான வஞ்சம் உடையவரை அஞ்சி நடத்தல் நன்மையாம்.
நட்டார்போ னல்லவை சொல்லினு மொட்டார்சொல்
ஒல்லை யுணரப் படும்
இளங்குமரனார்
நண்பர் போல் நல்லவற்றைச் சொன்னாலும் பொருந்தார் சொல் விரைவில் வெளிப்பட்டு விடும்.
உலகத்தா ருண்டென்ப தில்லென்பான் வையத்
தலகையா வைக்கப் படும்
இளங்குமரனார்
உயர்ந்தோர் 'உண்டு' என்பதை 'இல்லை' என்பவன் உலகில்பேயன் என்று கொள்ளப் படுவான்.
காணாச் சினத்தான் கழிபெருங் காமத்தான்
பேணாமை பேணப் படும்
இளங்குமரனார்
பின்வருவதை அறியாச் சினத்தினனும், மிகப் பெருங் காமத்தனும் பகைவரால் விரும்பப்படுவன்.
உருளாய மோவாது கூறிற் பொருளாயம்
போஒய்ப் புறமே படும்
இளங்குமரனார்
ஓயாமல் சூதாடினால் பொருள் வருவாய் எல்லாம் போயேதொலையும்.
தீயள வன்றித் தெரியான் பெரிதுண்ணி
னோயள வின்றிப் படும்
இளங்குமரனார்
பசித்தீயின் அளவறியாமல் மிக உண்பவனுக்கு, நோய் அளவில்லாமல் உண்டாகும்.
நலத்தின்க ணாரின்மை தோன்றி னவனைக்
குலத்தின்க ணையப் படும்
இளங்குமரனார்
நல்லவற்றின்மேல் பற்றுதல் இல்லையானால் அவன் குடிப் பெருமை ஐயப்படத்தக்கதாம்.
தொடிப்புழுதி கஃசா உணக்கிற் பிடித்தெருவும்
வேண்டாமற் சான்று படும்
இளங்குமரனார்
ஒரு பங்கு கால்பங்காக, உழவு மண் உலர்ந்தால் எரு இல்லாமலே நல்ல விளைவு தரும்.
நல்குரவு வென்னு மிடும்பையுட் பல்குரைத்
துன்பங்கள் சென்று படும்
இளங்குமரனார்
வறுமைத்துயருள் பல்வேறு துயர்களும் சென்று சென்று தங்கும்.
நற்பொருள் நன்குணர்ந்து சொல்லினு நல்கூர்ந்தார்
சொற்பொருள் சோர்வு படும்
இளங்குமரனார்
நல்லதை நன்றாக உணர்ந்து சொன்னாலும் வறியவர் சொல் சிறப்புறாது.
அறஞ்சாரா நல்குர வீன்றதா யானும்
பிறன்போல நோக்கப் படும்
இளங்குமரனார்
நேர்மையொடு பொருந்தாத வறுமையடைந்தால் பெற்றதாயும் அவனை அயலாக நினைப்பாள்.
உறாஅ தவர்போற் சொலினும் செறாஅர்சொல்
ஒல்லை யுணரப் படும்
இளங்குமரனார்
தொடர்பு இல்லாதவர் போல் பேசினாலும் காதலர் சொல், விரைவில் உணரும்படி வெளிப்படும்.
நிறையரியர் மன்னளிய ரென்னாதென் காம
மறையிறந்து மன்று படும்
இளங்குமரனார்
அடக்கமாட்டாதவர்; இரங்கத்தக்கவர் என்று பாராமல் காமம் ஊரவர் அறிய ஆகிவிட்டது.
ஊடலிற் றோற்றவர் வென்றா ரதுமன்னுங்
கூடலிற் காணப் படும்
இளங்குமரனார்
ஊடலில் தோல்வி கண்டவரே வெற்றி கொண்டவர்; அது கூடற் பொழுதில் விளங்கும்.