விடும்
என்று முடியும் குறள்கள்
நிறைமொழி மாந்தர் பெருமை நிலத்து
மறைமொழி காட்டி விடும்
இளங்குமரனார்
சொன்னது சொன்னபடி நிறைவேறும் துறவியர் பெருமை, நூல்களால் விளங்கும்.
அடக்க மமரரு ளுய்க்கு மடங்காமை
யாரிரு ளுய்த்து விடும்
இளங்குமரனார்
அடக்கம் அழியாப் புகழ் நிலை ஆக்கும் அடக்கம் இல்லாமை அகலாப் பழியிருளில் தள்ளும்.
ஒன்றானுந் தீச்சொற் பொருட்பய னுண்டாயி
னன்றாகா தாகி விடும்
இளங்குமரனார்
ஒரே ஒரு சொல் தீமை தருவதாயினும் மற்ற நல்ல சொற்பயனையும் அங்கு அழித்துவிடும்.
ஒழுக்க முடைமை குடிமை யிழுக்க
மிழிந்த பிறப்பாய் விடும்
இளங்குமரனார்
ஒழுக்கத்தைக் கொள்வதே உயர்குடித் தன்மை; அஃதில்லாமை தாழ்ந்த பிறப்பாகிவிடும்.
அவ்வித் தழுக்கா றுடையானைச் செய்யவ
டவ்வையைக் காட்டி விடும்.
இளங்குமரனார்
பொறாமையுடையவனைக் கண்டு செல்வமும் பொறாமைப்பட்டு வறுமைக்கு வழிகாட்டி விடும்.
அழுக்கா றெனவொரு பாவி திருச்செற்றுத்
தீயுழி யுய்த்து விடும்
இளங்குமரனார்
பொறாமை என்னும் பாவி, செல்வத்தையும் அழித்து மன எரிவுக்குள்ளும் தள்ளிவிடும்.
சிற்றின மஞ்சும் பெருமை சிறுமைதான்
சுற்றமாச் சூழ்ந்து விடும்
இளங்குமரனார்
பெரியவர் இழிகுணத்தவர்க்கு அஞ்சி ஒதுங்குவர்; சிறியவர் அவரை உறவாகக் கொண்டு கெடுவர்.
நுனிக்கொம்ப ரேறினா ரஃதிறந் தூக்கின்
உயிர்க்கிறுதி யாகி விடும்
இளங்குமரனார்
மரத்தின் உச்சிக்கிளையின் மேல் ஏறி மேலும் சென்றால் உயிரிழக்கும் செயலாகி விடும்.
சிறுபடையான் செல்லிடஞ் சேரி னுறுபடையா
னூக்க மழிந்து விடும்
இளங்குமரனார்
சிறிய படையுடையவன் சென்றிருக்குமிடத்தைச் சேர்ந்தால் பெரிய படையுடையவன். ஊக்கமும் கெட்டுப் போகும்.
முன்னுறக் காவா திழுக்கியான் றன்பிழை
பின்னூ றிரங்கி விடும்
இளங்குமரனார்
வருமுன்னர்த் தீமையைக் காக்கத் தவறினால் அது பின்னே நூறு மடங்கு வருந்தத் தக்க தாகிவிடும்.
உள்ள முடைமை யுடைமை பொருளுடைமை
நில்லாது நீங்கி விடும்
இளங்குமரனார்
ஊக்கம் உடைமையே உடைமையாகும்; பொருள் உடைமையோ நிலைபெறாது நீங்கிப் போகும்.
மடிமை குடிமைக்கட் டங்கிற்றன் னொன்னார்க்
கடிமை புகுத்தி விடும்
இளங்குமரனார்
சோம்பல் ஒரு குடும்பத்தில் நிலைபெற்றால் அது அக் குடும்பத்தையே பகைவர்க்கு அடிமையாக்கிவிடும்.
முயற்சி திருவினை யாக்கு முயற்றின்மை
யின்மை புகுத்தி விடும்
இளங்குமரனார்
முயற்சி, நலங்களை எல்லாம் தரும்; முயற்சி இல்லாமை, கேடுகளை எல்லாம் தரும்.
அற்றம் மறைக்கும் பெருமை சிறுமைதான்
குற்றமே கூறி விடும்
இளங்குமரனார்
பிறர் குற்றத்தை மறைப்பது பெருமைத் தன்மை. பிறர் குற்றத்தையே கூறுவது சிறுமைத் தன்மை.
செல்லான் கிழவ னிருப்பின் நிலம்புலந்
தில்லாளி னூடி விடும்
இளங்குமரனார்
நிலத்தைப் பாராமல் உழவன் இருந்தால் அது, கணவன் முகம் பாரா மனைவிபோல் வாட்டமுறும்.
இரவென்னு மேமாப்பி றோணி கரப்பா ரிரவன்மி
பார்தாக்க பக்கு விடும்
இளங்குமரனார்
இரத்தல் என்னும் கட்டுமரம் 'இல்லை' என்னும் பாறைதாக்க உடைந்து போகும்.