கொளல்
என்று முடியும் குறள்கள்
கணைகொடிதி யாழ்கோடு செவ்விதாங் கன்ன
வினைபடு பாலாற் கொளல்
இளங்குமரனார்
அம்பு நேரானாலும் கொடியது; யாழ்வளைவானாலும் இனியது, ஆதலால் செயலால் அவரவரை அறியவேண்டும்.
அரங்கின்றி வட்டாடி யற்றே நிரம்பிய
நூலின்றிக் கோட்டி கொளல்
இளங்குமரனார்
மிகுந்த நூலறிவு இல்லாமல் அவையில் பேச விரும்புதல் சதுரங்கக் கட்டம் இல்லாமலே சூதாட்டம் ஆடுவது போன்றதாம்.
அறனறிந்து மூத்த வறிவுடையார் கேண்மை
திறனறிந்து தேர்ந்து கொளல்
இளங்குமரனார்
அறத்தை அறிந்து முதிர்ந்த அறிவினை உடையவர் நட்பைப் பெறுகின்ற முறையால் பெற்றுக் கொள்ள வேண்டும்.
உற்றநோய் நீக்கி யுறாஅமை முற்காக்கும்
பெற்றியார்ப் பேணிக் கொளல்
இளங்குமரனார்
வந்த துயர் நீக்கித் துயர் வராமல் முன்னே காக்கவல்ல பெரியவர் நட்பைப் பேணிக் கொள்ள வேண்டும்.
அரியவற்று ளெல்லா மரிதே பெரியாரைப்
பேணித் தமராக் கொளல்
இளங்குமரனார்
பெரியவர்கள் நட்பை நல்ல வகையால் பெற்றுக் கொள்ளுதல் அரியதில் எல்லாம் அரியதாகும்.
சூழ்வார்கண் ணாக வொழுகலான் மன்னவன்
சூழ்வாரைச் சூழ்ந்து கொளல்
இளங்குமரனார்
அறிவறிந்த பெரியவர் கண்போல் காட்டுபவர் ஆதலால், அவரை ஆராய்ந்து துணையாகக் கொள்ள வேண்டும்.
குணம்நாடிக் குற்றமு நாடி யவற்றுள்
மிகைநாடி மிக்க கொளல்
இளங்குமரனார்
ஒருவரின் நல்லதன்மையை ஆய்ந்து, அவரின் தீய தன்மையையும் ஆய்ந்து மிக்கதனால் முடிவு செய்க.
உழைப்பிரிந்து காரணத்தின் வந்தானை வேந்த
னிழைத்திருந் தெண்ணிக் கொளல்
இளங்குமரனார்
நெருங்கியிருந்து பிரிந்து ஒரு காரணத்தால் மீளவும் வந்தவனைத் தலைவன் பொறுத்திருந்து ஆராய்ந்து ஏற்க வேண்டும்.
ஒற்றொற்றித் தந்த பொருளையு மற்றுமோ
ரொற்றினா லொற்றிக் கொளல்
இளங்குமரனார்
ஓர் ஒற்றன் சொல்லிய சொல்லையும் மற்றோர் ஒற்றினால் ஆய்ந்து கொள்ளுதல் வேண்டும்.
செய்வினை செய்வான் செயல்முறை யவ்வினை
யுள்ளறிவா னுள்ளங் கொளல்
இளங்குமரனார்
ஒரு செயலைச் செய்பவன், செய்யும்முறையாவது, அதன் நுட்பம் அறிந்தவன் உட்கருத்தைக் கொள்வதாகும்.
நட்டார்க்கு நல்ல
செயலின் விரைந்ததேயொட்டாரை யொட்டிக் கொளல்
இளங்குமரனார்
பகைவரை இணக்கமாக்கிக் கொள்ளுதல், நண்பர்க்கு நல்லது செய்தலினும் விரைந்து செய்யத் தக்கதாம்.
ஐயப் படாஅ தகத்த துணர்வானைத்
தெய்வத்தோ டொப்பக் கொளல்
இளங்குமரனார்
உள்ளத்து இருப்பதை ஐயமின்றி அறிய வல்லவனைத் தெய்வத்துக்கு ஒப்பாகக் கொள்ளவேண்டும்.
குறிப்பிற் குறிப்புணர் வாரை யுறுப்பினுள்
யாதுங் கொடுத்துக் கொளல்
இளங்குமரனார்
நுண்ணியதில் நுண்ணிய உட்கருத்தையும் அறிய வல்லவனை எதனைக் கொடுத்தும் உறவாகக் கொள்ள வேண்டும்.
ஒளியார்முன் னொள்ளிய ராதல் வெளியார்முன்
வான்சுதை வண்ணங் கொளல்
இளங்குமரனார்
அறிவாளர் முன் அறிவாளராக இருக்க, அறிவிலார்முன் சுண்ணாம்பு நிறம்போல் வெள்ளையாக இருக்க.
அங்கணத்து ளுக்க வமிழ்தற்றாற் றங்கணத்தர்
அல்லார்முற் கோட்டி கொளல்
இளங்குமரனார்
தம் இயல்பொடு பொருந்தார் அவையில் பேசுதல் சாய்க்கடையில் கொட்டப்பட்ட பால் போன்றதாம்.
கற்றார்முற் கற்ற செலச்சொல்லித் தாங்கற்ற
மிக்காருண் மிக்க கொளல்
இளங்குமரனார்
அறிவாளர் முன் கற்றவற்றைப் பதியச் சொல்லித் தம்மினும் கற்றவரிடத்துச் சிறந்துள்ள அறிவைப் பெறவேண்டும்.
அழச்சொல்லி யல்ல திடித்து வழக்கறிய
வல்லார்நட் பாய்ந்து கொளல்
இளங்குமரனார்
தவறும்போது அழும்படி சொல்லியும், தீயதை இடித் துரைத்தும் திருத்துவார் நட்பைத் தேர்ந்து கொள்ள வேண்டும்.
கையறி யாமை யுடைத்தே பொருள்கொடுத்து,
மெய்யறி யாமை கொளல்
இளங்குமரனார்
பொருளைக் கொடுத்து மயக்கத்தை வாங்குதல் செயலறியாச் செயலாகும்.
சால்பிற்குக் கட்டளை யாதெனிற் றோல்வி
துலையல்லார் கண்ணுங் கொளல்
இளங்குமரனார்
தம்மில் தாழ்ந்தவரிடத்தும் தோல்வியை ஒப்புக் கொள்வதே சால்பிற்கு அளவு ஆகும்.
நல்லாண்மை யென்ப தொருவற்குத் தான்பிறந்த
இல்லாண்மை யாக்கிக் கொளல்
இளங்குமரனார்
தான் பிறந்த குடும்பத்தை உயர்த்துவதே ஒருவனுக்கு நல்ல ஆண்மை எனப்படும்.