உடைத்து
என்று முடியும் குறள்கள்
ஆற்றி னொழுக்கி யறனிழுக்கா இல்வாழ்க்கை
நோற்பாரி னோன்மை யுடைத்து
இளங்குமரனார்
பிறரை நல்வழிப்படுத்தி, அறந் தவறாதவர் இல்வாழ்க்கை, நோன்பிற் சிறந்த நோன்பாகும்.
செப்ப முடையவ னாக்கஞ் சிதைவின்றி
யெச்சத்திற் கேமாப் புடைத்து
இளங்குமரனார்
நடுவு நிலையாளன் பொருளும் புகழும் அழியாமல் அவன் வழியினர்க்கும் பாதுகாப்பாகும்.
ஒருமையு ளாமைபோ லைந்தடக்க லாற்றி
னெழுமையு மேமாப் புடைத்து
இளங்குமரனார்
ஐந்து உறுப்புகளையும் அடக்கும் ஆமை போல் அடக்கினால் எக்காலமும் நலமாகும்.
ஒப்புரவி னான்வருங் கேடெனின் னஃதொருவன்
விற்றுக்கோட் டக்க துடைத்து
இளங்குமரனார்
ஒப்புரவு செய்தலால் ஒருவனுக்கு வறுமை வருமானால், அதனைத் தன்னை விற்றும் கூட வாங்கலாம்.
வறியார்க்கொன் றீவதே யீகைமற் றெல்லாங்
குறியெதிர்ப்பை நீர துடைத்து
இளங்குமரனார்
இல்லாதவர்க்குக் கொடுப்பதே கொடையாகும்; இருப்பவர்க்குக் கொடுப்பது கைம்மாற்றுப் போன்றது ஆகும்.
புறங்குன்றி கண்டனைய ரேனு மகம்குன்றி
மூக்கிற் கரியா ருடைத்து
இளங்குமரனார்
வெளியே குன்றிமணியைப் போல் சிவந்த வரும் உள்ளே குன்றிமணியின் கரியைக் கொள்ளல் உண்டு.
ஐயத்தி னீங்கித் துணிந்தார்க்கு வையத்தின்
வான நணிய துடைத்து
இளங்குமரனார்
ஐயமில்லாத தெளிந்த அறிவுடையவர்க்கு மண்ணுலகினும் விண்ணுலகம் மிக அருகில் உள்ளதாகும்.
ஒருமைக்கட் டான்கற்ற கல்வி யொருவற்
கெழுமையு மேமாப் புடைத்து
இளங்குமரனார்
ஒருமுகப்பட்டுக் கற்கும் கல்வி, ஒருவனுக்குப் பின்வரும் காலமெல்லாம் சிறந்த பாதுகாப்பாக அமையும்.
மனநல நன்குடைய ராயினுஞ் சான்றோர்க்
கினநல மேமாப் புடைத்து
இளங்குமரனார்
மனவளம் மிக்க சான்றோரே எனினும் அவர்க்கும் இனவளமும் அமைதல் பெரும் பாதுகாப்பாகும்.
மனநலத்தி னாகு மறுமைமற் றஃது
மினநலத்தி னேமாப் புடைத்து
இளங்குமரனார்
மனநலம், ஒருவன் மறைந்த பின்னரும் புகழுண்டாக்கும்; அது இனநலமும் உடையதாயின் அழியவே அழியாது.
அருஞ்செவ்வி யின்னா முகத்தான் பெருஞ்செல்வம்
பேய்கண்ட தன்ன துடைத்து
இளங்குமரனார்
காணற்குஇடம் தராதவனாகவும் கடுமுகதீதனாகவும் இருப்பவன் பெருவளம், பேய் கண்ட வளமாம்.
மடுத்தவா யெல்லாம் பகடன்னா னுற்ற
விடுக்க ணிடர்ப்பா டுடைத்து
இளங்குமரனார்
தடையுண்டாகிய இடத்தெல்லாம், வெல்லும் எருதைப் போன்றவனை நெருங்கிய துன்பமே துன்புறும்.
உருவுகண் டெள்ளாமை வேண்டு முருள்பெருந்தேர்க்
கச்சாணி யன்னா ருடைத்து
இளங்குமரனார்
எவரையும் அவர் உருவம் கண்டு இகழாமை வேண்டும்; தேரின் அச்சாணி போன்றவரும் உளர்.
புரந்தார்கண் ணீர்மல்கச் சாகிற்பிற் சாக்கா
டிரந்துகோட் டக்க துடைத்து
இளங்குமரனார்
காத்தவர் கண்ணீர் விடுமாறு சாகும்பேறு உண்டானால், அச்சாவு வேண்டிப் பெறத் தக்கதாகும்.
குணனிலனாய்க் குற்றம் பலவாயின் மாற்றார்க்
கினனிலனா மேமாப் புடைத்து
இளங்குமரனார்
பண்பற்றவனாய்க் குறைநிரம்பியவனாய் இருப்பவன் பகைவர்க்கு இணையில்லாப் பாதுகாவலன் ஆவான்.
பெண்ணேவல் செய்தொழுகு மாண்மையி னாணுடைப்
பெண்ணே பெருமை யுடைத்து
இளங்குமரனார்
பெண்வழி நிற்கும் ஆண் பிறப்பினும் இயல்பான நாணம் அமைந்த பெண்பிறப்பே பெருமையானது.
சீருடைச் செல்வர் சிறுதுனி மாரி
வறங்கூர்ந் தனைய துடைத்து.
இளங்குமரனார்
நல்லவர் அடைந்த சிறுவறுமை, மழை பெய்யாமல் நாடு வறண்டது போன்றது.
பிறர்நாணத் தக்கது தானாணா னாயின்
அறநாணத் தக்க துடைத்து
இளங்குமரனார்
பிறர் நாணக் கூடியதற்குத் தான் நாணவில்லை எனின், அதற்கு அறமே நாணும்.
கரப்பிலா நெஞ்சிற் கடனறிவார் முன்னின்
றிரப்புமே ரேஎ ருடைத்து
இளங்குமரனார்
மறையாமல் கொடுப்பவர் முன்னே நின்று கேட்டுப் பெறுவதும் ஓர் அழகேயாம்.
இகழ்ந்தெள்ளா தீவாரைக் காணின் மகிழ்ந்துள்ளம்
உள்ளு ளுவப்ப துடைத்து
இளங்குமரனார்
இகழ்ந்துபழியாமல் கொடுப்பவரைக் கண்டால் உள்ளம் உள்ளுக்குள் மகிழும்.
நோக்கினா ணோக்கெதிர் நோக்குத றாக்கணங்கு
தானைக்கொண் டன்ன துடைத்து
இளங்குமரனார்
நான் பார்த்தவள் பார்த்த பார்வை, வருத்தும் பெண் படையோடு வந்தது போன்றது.
கூற்றமோ கண்ணோ பிணையோ மடவர
னோக்கமிம் மூன்று முடைத்து
இளங்குமரனார்
இவ் விளையவள்கண் கூற்றமோ, கண்ணோ, பெண்மான் கண்ணோ இவை மூன்றும் உடையது.
கதுமெனத் தாநோக்கித் தாமே கலுழும்
இதுநகத் தக்க துடைத்து
இளங்குமரனார்
விரைந்து தாமே பார்த்துத் தாமே அழும் கண்களின் செயல், நகைப்புக்குரியது.
செறிதொடி செய்திறந்த கள்ளம் முறுதுயர்
தீர்க்கு மருந்தொன்று றுடைத்து
இளங்குமரனார்
இவள் செய்து விட்டுச் சென்ற குறிப்பில் துன்பந் தணிக்கும் மருந்து ஒன்றுள்ளது.
பெரிதாற்றிப் பெட்பக் கலத்த லரிதாற்றி
யன்பின்மை சூழ்வ துடைத்து
இளங்குமரனார்
இவர் பெரிதாக அன்பு செய்து குழைவதில் இருந்து அடுத்தே தாங்க அரிய பிரிவு உள்ளமை தெரிகிறது.
தவறில ராயினுந் தாம்வீழ்வார் மென்றோ
ளகறலி னாங்கொன் றுடைத்து
இளங்குமரனார்
தவறில்லா விட்டாலும் தம்மை விரும்புவாரிடம் ஊடுதலில் ஓரின்பம் உண்டு.