தெரிந்து வினையாடல் — அதிகாரம் 52

குறள்கள்

1. குறள் 511 — நன்மையுயந் தீமையு நாடி நலம்புரிந்த தன்மையா னாளப் படும்
2. குறள் 512 — வாரி பெருக்கி வளம்படுத் துற்றவை யாராய்வான் செய்க வினை
3. குறள் 513 — அன்பறிவு தேற்ற மவாவின்மை யிந்நான்கு நன்குடையான் கட்டே தெளிவு
4. குறள் 514 — எனைவகையாற் றேறியக் கண்ணும் வினைவகையான் வேறாகு மாந்தர் பலர்
5. குறள் 515 — அறிந்தாற்றிச் செய்கிற்பாற் கல்லால் வினைதான் சிறந்தானென்று ஏவற்பாற் றன்று
6. குறள் 516 — செய்வானை நாடி வினைநாடிக் காலத்தோ டெய்த வுணர்ந்து செயல்
7. குறள் 517 — இதனை யிதனா லிவன்முடிக்கு மென்றாய்ந் ததனை யவன்கண் விடல்
8. குறள் 518 — வினைக்குரிமை நாடிய பின்றை யவனை யதற்குரிய னாகச் செயல்
9. குறள் 519 — வினைக்கண் வினையுடையான் கேண்மைவே றாக நினைப்பானை நீங்குந் திரு
10. குறள் 520 — நாடோறு நாடுக மன்னன் வினைசெய்வான் கோடாமை கோடா துலகு