ஒழுக்கம் உடைமை — அதிகாரம் 14

குறள்கள்

1. குறள் 131 — ஒழுக்கம் விழுப்பந் தரலா னொழுக்க முயிரினு மோம்பப் படும்
2. குறள் 132 — பரிந்தோம்பிக் காக்க வொழுக்கந் தெரிந்தோம்பித் தேரினும் மஃதே துணை
3. குறள் 133 — ஒழுக்க முடைமை குடிமை யிழுக்க மிழிந்த பிறப்பாய் விடும்
4. குறள் 134 — மறப்பினு மோத்துக் கொளலாகும் பார்ப்பான் பிறப்பொழுக்கங் குன்றக் கெடும்
5. குறள் 135 — அழுக்கா றுடையான்க ணாக்கம்போன் றில்லை யொழுக்க மிலான்க ணுயர்வு
6. குறள் 136 — ஒழுக்கத்தி னொல்கா ருரவோ ரிழுக்கத்தி னேதம் படுபாக் கறிந்து
7. குறள் 137 — ஒழுக்கத்தி னெய்துவர் மேன்மை யிழுக்கத்தி னெய்துவ ரெய்தாப் பழி
8. குறள் 138 — நன்றிக்கு வித்தாகு நல்லொழுக்கம் தீயொழுக்க மென்று மிடும்பை தரும்
9. குறள் 139 — ஒழுக்க முடையவர்க் கொல்லாவே தீய வழுக்கியும் வாயாற் சொலல்
10. குறள் 140 — உலகத்தோ டொட்ட வொழுகல் பலகற்றுங் கல்லா ரறிவிலா தார்