குடி
என்று தொடங்கும் குறள்கள்
குடிப்பிறந்து குற்றத்து னீங்கி வடுப்பரியு
நாணுடையான் கட்டே தெளிவு
இளங்குமரனார்
நல்ல குடியில் பிறந்து குற்றம் செய்யாமல் விலகிப் பழிக்கு அஞ்சி நாணுடவனையே தக்கான் எனத் தெளிவு கொள்க.
குடிதழீஇக் கோலோச்சு மாநில மன்ன
னடிதழீஇ நிற்கு முலகு
இளங்குமரனார்
குடிமக்களைத் தழுவி ஆளும் தலைவனின், அடியைத் தழுவி உலகமக்கள் வாழ்வர்.
குடிபுறங் காத்தோம்பிக் குற்றங் கடிதல்
வடுவன்று வேந்தன் றொழில்
இளங்குமரனார்
குடிகளைத் துயரில்லாமல் காத்து, குற்றமுண்டாயின் தண்டித்தல் குற்றமில்லை; ஆட்சிமுறையாம்.
குடியென்னுங் குன்றா விளக்க மடியென்னு
மாசூர மாய்ந்து கெடும்
இளங்குமரனார்
குடும்பம் என்று சொல்லப்படும் குறையா விளக்கு, சோம்பல் என்னும் கருக்குஏற ஒளிகுறைந்து அழியும்
குடிமடிந்து குற்றம் பெருகு மடிமடிந்து
மாண்ட வுஞற்றி லவர்க்கு
இளங்குமரனார்
சோம்பலில் ஆழ்ந்து சிறப்பாகச் செயல்புரியாதவர் குடும்பம் அழிந்து பழியும் பெருகும்.
குடியாண்மை யுள்வந்த குற்ற மொருவன்
மடியாண்மை மாற்றக் கெடும்
இளங்குமரனார்
குடும்ப ஆளுமையில் ஏற்பட்ட குற்றத்தையும் கூட, ஒருவன் சுறுசுறுப்பால் மாற்றியமைக்க முடியும்.
குடிப்பிறந்து தன்கட் பழிநாணு வானைக்
கொடுத்துங் கொளல்வேண்டு நட்பு
இளங்குமரனார்
நற்குடியில் பிறந்து பழிக்கு நாணம் கொள்பவனை அவன் வேண்டுவன தந்தும் நட்பாதல் வேண்டும்.
குடிப்பிறந்தார் கண்விளங்குங் குற்றம் விசும்பின்
மதிக்கண் மறுப்போ லுயர்ந்து
இளங்குமரனார்
நற்குடிப்பிறந்தாரின் சிறுகுற்றமும் முழுநிலவில் தோன்றும் கறைபோல் தெரியும்.
குடிசெய்வ லென்னு மொருவற்குத் தெய்வம்
மடிதற்றுத் தான்முந் துறும்
இளங்குமரனார்
குடும்பத்தை உயர்த்த நினைப்பவர்க்கு உதவ மேலோரும் வரிந்துகட்டிக் கொண்டு வருவர்.
குடிசெய்வார்க் கில்லை பருவம் மடிசெய்து
மானங் கருதக் கெடும்
இளங்குமரனார்
குடும்பத்தைக் காப்பவர் காலம் பாரார். அவர் சோம்பலும் மானமும் கொண்டால் குடிகெடும்.