பவர்
என்று முடியும் குறள்கள்
துறந்தாரிற் தூய்மை யுடையா ரிறந்தார்வா
யின்னாச்சொ னோக்கிற் பவர்
இளங்குமரனார்
வரம்பு கடந்தவரின் கொடிய சொல்லைப் பொறுப்பவர் துறவியரினும் தூயவர் ஆவர்.
படுபயன் வெஃகிப் பழிப்படுவ செய்யார்
நடுவன்மை நாணு பவர்
இளங்குமரனார்
நடுவு நிலைமை தவறுவதற்கு வெட்கப்படுபவர், பெரும் பயனை விரும்பிப் பழியாக்கும் செயலைச் செய்யார்.
சிற்றின்பம் வெஃகி யறனல்ல செய்யாரே
மற்றின்பம் வேண்டு பவர்
இளங்குமரனார்
அழியாத இன்பத்தை விரும்புபவர் சிறிதளவாம் இன்பத்தை விரும்பி அறமல்லாச் செயலைச் செய்யார்.
நோயெல்லா நோய்செய்தார் மேலவா நோய்செய்யார்
நோயின்மை வேண்டு பவர்
இளங்குமரனார்
துன்பம் என்பன துன்பம் செய்பவர்க்கே ஆதலால், துன்பம் வர வேண்டா என்பவர் துன்பம் செய்யார்.
தெளிவி லதனைத் தொடங்கா ரிளிவென்னு
மேதப்பா டஞ்சு பவர்
இளங்குமரனார்
இழிவு ஏற்படும் என்னும் அச்சம் உடையவர் தமக்குத் தெளிவுண்டாகாத செயலைச் செய்யமாட்டார்.
காலங் கருதி இருப்பர் கலங்காது
ஞாலங் கருது பவர்
இளங்குமரனார்
உலகையெல்லாம் பெற விரும்புபவர், அசைவு இல்லாமல் தக்க காலத்தை எதிர்பார்த்துக் கொண்டு இருப்பர்.
பெயக்கண்டு நஞ்சுண் டமைவர் நயத்தக்க
நாகரிகம் வேண்டு பவர்
இளங்குமரனார்
விரும்பத்தக்க கண்ணோட்டம் உடையவர், ஒவ்வாத ஒன்றை உண்ணத் தரினும் அதனை ஏற்று நிறைவு கொள்வர்.
மடியை மடியா வொழுகல் குடியைக்
குடியாக வேண்டு பவர்
இளங்குமரனார்
குடும்பத்தை உயர் குடும்பமாக்க விரும்புபவர், சோம்பலே சோம்புமாறு சுறுசுறுப்பாய் வாழ வேண்டும்.
ஊழையு முப்பக்கங் காண்ப ருலைவின்றித்
தாழா துஞற்று பவர்
இளங்குமரனார்
இயற்கைத் தடையையும் உறுதியான முயற்சியாளர் வெற்றி காண்பது உறுதியாகும்.
இழைத்த திகவாமைச் சாவாரை யாரே
பிழைத்த தொறுக்கிற் பவர்
இளங்குமரனார்
சொன்ன சொல் மாறாமல் சாகின்றவரைத் தவறு செய்தாரெனத் தண்டிப்பவர் எவர்?
துஞ்சினார் செத்தாரின் வேறல்ல ரெஞ்ஞான்று
நஞ்சுண்பார் கள்ளுண் பவர்.
இளங்குமரனார்
உறங்குவார் இறந்தவர் போன்றவரே; அவ்வாறே மது வுண்பவர் நஞ்கண்பவர் போன்றவரே.
உள்ளொற்றி யுள்ளூர் நகப்படுவ ரெஞ்ஞான்றுங்
கள்ளொற்றிக் கண்சாய் பவர்
இளங்குமரனார்
எப்பொழுதும் மதுமயக்கில் கிடப்பவர் தாம் உளறுவதை எல்லாம் வரவர் கேட்டுச் சிரிக்கக் காண்டர்.
சீரினுஞ் சீரல்ல செய்யாரே சீரொடு
பேராண்மை வேண்டு பவர்
இளங்குமரனார்
சிறப்பொடுபேராற்றலை விரும்புபவர், எத்தகைய சிறந்த பொழுதிலும் சிறப்பில்லாததைச் செய்யார்.
நாணா லுயிரைத் துறப்ப ருயிர்ப்பொருட்டால்
நாண்டுறவார் நாணாள் பவர்
இளங்குமரனார்
நாணமுடையவர் நாணம் கெடுநிலையில், உயிரை விடுவரே அன்றி நாணத்தை விடார்.
உழுதுண்டு வாழ்வாரே வாழ்வார்மற் றெல்லாந்
தொழுதுண்டு பின்செல் பவர்
இளங்குமரனார்
வாழ்பவர் என்பவர் உழவால் வாழ்பவரே; பிறரெல்லாம் அவரைச் சார்ந்து வாழ்பவரே.
துப்பி லெவன்செய்வார் கொல்லோ துயர்வரவு
நட்பினு ளாற்று பவர்
இளங்குமரனார்
நட்பிலேயே துயரம் வரச் செய்பவர், பிரியும் வன்மையுள்ளபோது எப்படி இருப்பர்?