செயின்
என்று முடியும் குறள்கள்
கெடுவல்யா னென்ப தறிகதன் னெஞ்ச
நடுவொரீஇ யல்ல செயின்
இளங்குமரனார்
தன்மனம் நடுவுநிலை நீங்கித் தீமை செய்ய நினைத்தால் அப்பொழுதே 'கெடுவேன்' என்பதை அறிவானாக.
வாணிகஞ் செய்வார்க்கு வாணிகம் பேணிப்
பிறவுந் தமபோற் செயின்
இளங்குமரனார்
பிறர் பொருளையும் தம் பொருள்போல் கருதிச் செய்தல் வாணிகர்க்கு அற வாணிகமுமாம்.
அஃகி யகன்ற வறிவென்னாம் யார்மாட்டும்
வெஃகி வெறிய செயின்
இளங்குமரனார்
எவரிடத்து உள்ளதையும் கவர விரும்புவராயின் அவர்தம் நுண்ணிய விரிந்த அறிவின் பயன் என்ன?
அருவினை யென்ப வுளவோ கருவியாற்
கால மறிந்து செயின
இளங்குமரனார்
உரிய கருவியுடன் காலம் அறிந்து செயலாற்றினால் செய்தற்கரிய செயல் எதுவும் இல்லை.
ஞாலங் கருதினுங் கைகூடுங் காலங்
கருதி யிடத்தாற் செயின்
இளங்குமரனார்
காலம் அறிந்து உரிய இடத்தில் செய்தால் உலகெல்லாம் அடைய வேண்டும் எனினும் நிறைவேறும்.
ஆற்றாரு மாற்றி யடுப விடனறிந்து
போற்றார்கட் போற்றிச் செயின்
இளங்குமரனார்
வலிமை குறைந்தவரும், தக்க இடமறிந்து தம்மைக் காத்துக் கொண்டு பகையழிக்கச் சென்றால் வெற்றியடைவர்
எண்ணியா ரெண்ண மிழப்ப ரிடனறிந்து
துன்னியார் துன்னிச் செயின்
இளங்குமரனார்
தக்க இடத்தை அறிந்து முனைப்பாகச் செயல் புரிந்தால் அழிக்க வந்தவரும் தம் எண்ணம் அழிந்து போவர்.
அஞ்சாமை யல்லாற் றுணைவேண்டா வெஞ்சாமை
யெண்ணி மிடத்தாற் செயின்
இளங்குமரனார்
குறையாமல் ஆராய்ந்து ஏற்ற இடத்தால் செயலாற்றினால் துணிவே அன்றி வேறு துணை வேண்டியது இல்லை.
அரியவென் றாகாத வில்லைபொச் சாவாக்
கருவியாற் போற்றிச் செயின்
இளங்குமரனார்
மறவாமை என்னும் கருவியைக் கொண்டு பேணிச் செய்தால் செய்தற்கு அரியது என்பது எதுவும் இல்லை
இறைகாக்கும் வையக மெல்லா மவனை
முறைகாக்கும் முட்டாச் செயின்
இளங்குமரனார்
நாட்டைக் காப்பவன் ஆள்பவனே; அவன் அதனைத் தவறின்றிக்காத்தால் அதுவே அவனைக் காக்கும்.
விழைதகையான் வேண்டி யிருப்பர் கெழுதகையாற்
கேளாது நட்டார் செயின்
இளங்குமரனார்
ஒத்த இயல்பால் கேளாமல் ஒன்றைச் செய்தாலும், அதனைத் தாமும் விரும்பியதாகவே கொள்வர் பழநட்பாளர்.
பேதைமை யொன்றோ பெருங்கிழமை யென்றுணர்க
நோதக்க நட்டார் செயின்
இளங்குமரனார்
வருந்தத் தக்கவற்றை நண்பர் செய்தால், அறியாமையால் அன்று; உரிமையால், என உணர்தல் வேண்டும்.
கேளிழுக்கங் கேளாக் கெழுதகைமை வல்லார்க்கு
நாளிழுக்க நட்டார் செயின்
இளங்குமரனார்
நண்பர் குறையைக் கூறவும் கேளாத உரிமை நண்பினர்க்குக் கேடு செய்தல் பழகிய காலத்திற்கெல்லாம் இழிவாம்.
நிழனீரு மின்னாத வின்னா தமர்நீரும்
இன்னாவா மின்னா செயின்
இளங்குமரனார்
நிழலிலுள்ள நீரும் தீமை செய்யின், தீயதே; அதுபோல், தம்மவர் எனினும் தீமை செய்வார் தீயரே.
குன்றி னனையாருங் குன்றுவர் குன்றுவ
குன்றி யனைய செயின்
இளங்குமரனார்
மானக் குறைவானதைக் குன்றிமணியளவு செய்தாலும் குன்றுபோன்றவரும் குறைந்தவராவர்.
நாணென வொன்றோ வறியலங் காமத்தாற்
பேணியார் பெட்ப செயின்
இளங்குமரனார்
காதலால் விரும்பியவர் விரும்புமாறு இருந்தால் நாணம் என்னும் ஒன்றைக் கருத மாட்டேன்.