கடை
என்று முடியும் குறள்கள்
இல்லதெ னில்லவண் மாண்பானா லுள்ளதெ
னில்லவண் மாணாக் கடை
இளங்குமரனார்
மனைவி உயர்ந்தவள் எனின் இல்லாததில்லை; அவள்உயர்வில்லாதவள் எனின் இருப்பதில்லை.
சாதலி னின்னாத தில்லை யினிததூஉ
மீத லியையாக் கடை
இளங்குமரனார்
சாவைப் போலத் துன்பமானது ஒன்றுமில்லை. ஆனால் கொடுக்க இயலாத பொழுதில் அதுவும் இன்பமாம்.
அறிவினா னாகுவ துண்டோ பிறிதுநோய்
தன்னோய்போற் போற்றாக் கடை
இளங்குமரனார்
மற்றை உயிர்களின் துன்பத்தைத் தன் துன்பம் போல் கருதாவிட்டால் அறிவைப் பெற்றதன் பயன் தான் என்ன?
நன்றாகு மாக்கம் பெரிதெனினுஞ் சான்றோர்க்குக்
கொன்றாகு மாக்கங் கடை
இளங்குமரனார்
கொல்லுதலால் பெரு நன்மை உண்டாகும் என்றாலும், அக்கொலையால் வரும் நன்மை இழிந்ததேயாகும்.
நில்லா தவற்றை நிலையின வென்றுணரும்
புல்லறி வாண்மை கடை
இளங்குமரனார்
நிலைபெறாதவற்றை நிலைபெறுவன என்று முடிவு செய்யும் சிற்றறிவு கீழானதாகும்.
பேதைப் படுக்கு மிழவூ ழறிவகற்று
மாகலூ ழுற்றக் கடை
இளங்குமரனார்
இழப்பாகும் இயற்கை உண்டானால் அறியாமை ஏற்படும்; ஆக்க மாகும் இயற்கை உண்டானால் அறிவு விரிவடையும்.
நன்றாற்ற லுள்ளுந் தவறுண் டவரவர்
பண்பறிந் தாற்றாக் கடை
இளங்குமரனார்
ஒவ்வொருவர் பண்பையும் அறிந்து கொள்ளாமல் அவர்க்குச் செய்யும் நன்மையும் தீமையாகிவிடுதலுண்டு.
ஆகா றளவிட்டி தாயினுங் கேடில்லை
போகா றகலாக் கடை
இளங்குமரனார்
வருமானம் குறைவாக இருப்பினும் அதனால் கெடுதி இல்வை ஆனால் செலவு அவ்வருவாயினும் மிகுதல் கூடாது.
பழகிய நட்பெவன் செய்யுங் கெழுதகைமை
செய்தாங் கமையாக் கடை
இளங்குமரனார்
ஒத்த இயல்போடு பொருந்தியிரா விட்டால், தொடர்ந்து வந்த நட்பு என்னதான் செய்தற்குரியது?
ஏதிலா ராரத் தமர்பசிப்பர் பேதை
பெருஞ்செல்வ முற்றக் கடை
இளங்குமரனார்
அறிவிலான் பெருஞ்செல்வம் அடைந்தான் எனின் அயலார் பசியின்றி நுகர, உறவினர் பசித்துக்கிடப்பர்.
தலையி னிழிந்த மயிரனையர் மாந்தர்
நிலையி னிழிந்தக் கடை
இளங்குமரனார்
மக்கள் தம் பெருமை நிலையில் தாழ்ந்தபோது தலையில் இருந்து உதிர்ந்த மயிர் போன்றவராவர்.
நண்பாற்றா ராகி நயமில செய்வார்க்கும்
பண்பாற்றா ராதல் கடை
இளங்குமரனார்
நட்புக் கருதாது நலக்கேடு செய்பவரிடத்தும் பண்பாக நடவாமை இழிவே.
குலஞ்சுடுங் கொள்கை பிழைப்பி னலஞ்சுடு
நாணின்மை நின்றக் கடை
இளங்குமரனார்
கொள்கை தவறி நடந்தால் குடிப்பிறப்புக்கெடும். நாண மற்றுப் போனால் நல்லவைஎல்லாம் கெடும்.
ஈவார்கண் என்னுண்டாந் தோற்ற மிரந்துகோண்
மேவாரில் லாத கடை
இளங்குமரனார்
கேட்டுப் பெறுவார் இல்லாதபோது கொடுப்பவர்க்கு என்னதான் பெருமை உண்டு?
அலர்நாண லொல்வதோ அஞ்சலோம் பென்றார்
பலர்நாண நந்தக் கடை
இளங்குமரனார்
அஞ்சாதிரு என்றவர் பிரிந்தபோது, பழிச் சொல்லுக்கு நாணுதல் தகுமோ?
நாம்காதல் கொண்டார் நமக்கெவன் செய்பவோ
தாங்காதல் கொள்ளாக் கடை
இளங்குமரனார்
நாம் விரும்பியவர் நம்மை விரும்பவில்லை எனின் நமக்கு என்ன நன்மை தான் செய்வார்?