அதிகாரம் 99

சான்றாண்மை

நல்ல நல்ல காரியங்கள் நலம்பயக்கும் காரியங்கள்
சலிப்பின்றிச் செய்வதுதான் சான்றாண்மை என்றுசொல்லு

குணநலம் ஒன்றேதான் அணியாகும் சான்றோர்க்கு
உடல் அழகும் நகையழகும் உயர்வில்லை என்றுசொல்லு

அன்பு , நாண் , ஒப்புரவு , வாய்மையொடு கண்ணோட்டம்
ஐந்தும் அணிகலனாம் அறிவுடைய சான்றோர்க்கு

கொல்லாமை காப்பதுதான் குற்றமில்லா நோன்பாகும்
பிறர்தீமை நீக்குதல்தான் சான்றாண்மைக்கழகாகும்

தீதைத்தான் செய்தார்க்கு திருப்பியதைச் செய்யாமை
நன்மையே செய்வதுதான் நல்லவரின் மாண்பாகும்

இயற்கை எனும்ஊழி இடம்மாறிப் போனாலும்
சான்றோர் ஒருநாளும் , தடம்புரளார் என்று சொல்லு

- வேற்கவிராயர்