அதிகாரம் 94

சூது

சூதாட்டம் என்பதொரு தூண்டில்முள் போலாகும்
உழுவை மீன்பிடிக்கவல்ல உன்னையே பிடிப்பதற்காம்

ஒருரூபாய் வரும் உடனே ஒருநூறு சென்றுவிடும்
ஒன்றுமில்லாக் கையோடு உன்வீடு வந்திடலாம்

சிறுமைபல செய்துன்னைச் சீரழிக்கும் சூதினைப்போல்
வறுமைதரும் செயலெதுவும் வாராது உன்வாழ்வில்

கவறாகும் தொழில்தனையே கைக்கொண்டார் தம்முடைய
பொருளெல்லாம் போகவிட்டுப் புத்தியையும் தானிழப்பார்

பொருள் கெடுக்கும் அருள்கெடுக்கும் பொய் சொல்லத் தூண்டிவிடும்
அல்லல் பலசெய்து ஆட்டுவிக்கும் என்றுசொல்லு

பொருள் இழந்து போனாலும் , போனாலும் மறுபடியும்
காதல் ஒழியாது கவறாடற் கன்னியின் மேல்

- வேற்கவிராயர்