அதிகாரம் 67

வினைத்திட்பம்

ஆள்பலமும் பொருள்பலமும் அனைத்துமே இருந்தாலும்
மனத்திட்பம் மிகவேண்டும் மன்னனுக்கு என்று சொல்லு

உதவாத ஒருசெயலை ஒதுக்கிப்பின் நற்செயலை
மறவாது செய்வதுதான் மந்திரிக்கு அழகாகும் .

சொல்லுவது மிகஎளிது சொன்னபடி செய்வதுதான்
எல்லார்க்கும் மிகஅரிது என்பதைநீ சொல்வாயே

எண்ணியவர் எண்ணம்போல் எய்திடுவார் நற்பலன்கள்
திண்ணிய உளம்கொண்டு செயல்படுவார் என்று சொல்லு .

உருவத்தைக் கண்டொருவர் உளம் அளக்கக்கூடாது
உருவத்தால் சிறியவரும் உள்ளத்தால் உயர்த்திருப்பார்

இன்பம் பயக்கும்வினை என்றாய்ந்து செய்கையிலே
துன்பம் மிகவரினும் துணிந்துசெயல் வேண்டுமென்றோ

- வேற்கவிராயர்