அதிகாரம் 63

இடுக்கண் அழியாமை

துன்பம்வந்து நல்லவரை தொந்தரவு செய்யுங்கால்
புன்னகை செய்து அதைப் போக்கிவிடல் நன்றாகும் .

வெள்ளம்போல் துன்பங்கள் வீட்டுக்குள்பாய்ந்தாலும்
அறிவுடையார் அதைக்கண்டு அஞ்சாது எதிர்கொள்வார் .

துன்பமதைத் துன்பத்தால் துரத்தி அடிக்கவல்லார்
துன்பத்தால் ஒருபோதும் துன்பப்படமாட்டார்கள் .

அலைஅலையாத் துன்பங்கள் ஆர்ப்பரித்து வந்தாலும்
நிலைகொள்ள விடமாட்டர் நெஞ்சுறுதி கொண்டவர்கள் .

இன்பத்தை இன்பமதாய் எண்ணாத இயல்புடையார்
துன்பத்தால் ஒருபோதும் துன்பப்படமாட்டார்கள் .

இல்லாமை என்பதையும் இன்பமாய் ஏற்பாரை
துன்பம் வந்து துன்பஞ்செய்யத் துணியாது என்றுசொல்லு .

- வேற்கவிராயர்