அதிகாரம் 61

மடியின்மை

நல்லகுடிப் பண்புகளை நாசந்தான் செய்துவிடும்
பொல்லாத சோம்பலதைப் பொசுக்கிவிடல் நன்றாகும்

‘ மடி ‘ என்னும் பேய்மகனை மதியாலே விரட்டிவிட்டு
குடிப்பெருமை தானுயர்த்திக் கொளல் வேண்டும் என்றுசொல்லு

மடிதனையே விலைகொண்ட மடையனால் மாண்டகுடி
மிடிபெற்று மீளாது மாண்டிவிடும் என்றுசொல்லு

சோற்றுக்கே வழியில்லாச் சோம்பேறியாயிருந்தால்
பார்ப்போர் நகைத்திடுவார் பழிபோட்டுப் பேசிடுவார்

சோம்பல் வந்து குடிகொண்டால் சொந்தவீடும் இருக்காது
அடுத்தவீட்டு மனிதருக்கே அடிமையாம் என்று சொல்லு

முன்பொருநாற் மாயவனும் மூவுலகும் அளந்ததுபோல்
சோம்பலில்லா மன்னனுக்கு சொந்தமதாம் மூவுலகம்

- வேற்கவிராயர்