அதிகாரம் 129

புணர்ச்சி விதும்பல்

நினைத்தாலே இன்பம்வரும் கண்டால் களிப்புமிகும்
கள்ளுக்கு இல்லையந்த காமத்திற்குள்ள பண்பு

தினையளவு என்றாலும் திறம்பாது இணைந்திடனும்
பனையளவாய்க் காமமது பயின்று வரும் வேளையிலே

என்காதல் பேணாது இருந்தாலும் காதலரைக்
காணாமல் இருப்பதற்குக் கண்கள் விரும்பலையே

கொண்டேன் விரதம்நான் கூடுதற்கு இல்லை என்று
பொல்லாத என்மனது போகுதே அதை மறந்து

காணாத வேளையிலே காண்கிறேன் அவர் குற்றம்
காண்கின்ற வேளையிலே காண்கிலேன் குற்றம் ஒன்றும்

கள்ளால் வருந்தீமை கண்டிருந்தும் குடிப்பவன்தான்
கள்ளுக்கடை கண்டால் கவ்வாமல் விடமாட்டான்

காமத்தால் வருந்தீமை கண்டிருந்தும் உன்மார்பில்
கள்ளுண்பார் போல்நானும் கலந்தின்பம் காண்பேனே

மலர்போல் மெல்லியதாம் மலர்ந்து வரும் காமமது
அதன் தன்மை தானறிந்து அணைத்திடுதல் அறிவுடைமை

- வேற்கவிராயர்