அதிகாரம் 117
படர் மெலிந்திரங்கல்
மூடித்தான் வைத்தாலும் முட்டுகின்ற என்துன்பம் ஊற்றுநீர் போலஅது ஊரெல்லாம் பாய்கிறதே துன்பமதைக் காதலர்க்கு சொல்லத்தான் நினைக்கின்றேன் தடுக்குதே நாணம்வந்து தோழியே என்ன செய்வேன் காமம்வந்து ஒருபக்கம் கொல்லுவேன் என்கிறது வெட்கம்வந்து மறுபக்கம் வெல்லுவேன் என்கிறதே காதலர் தரும்இன்பம் கடலைவிடப் பெரிதாகும் அவர்பிரிவால் வருந்துன்பம் அஃதைவிடப் பெரிதாகும் கொடியவர் கொடுமையிலும் கொடியதாய் இராப்பொழுது நெடியதாய் விடியாமல் நீள்கிறதே என்தோழி
- வேற்கவிராயர்