வாய்மை — அதிகாரம் 30

குறள்கள்

1. குறள் 291 — வாய்மை யெனப்படுவ தியாதெனின் யாதொன்றுந் தீமை யிலாத சொலல்
2. குறள் 292 — பொய்ம்மையும் வாய்மை யிடத்த புரைதீர்ந்த நன்மை பயக்கு மெனின்
3. குறள் 293 — தன்னெஞ் சறிவது பொய்யற்க பொய்த்தபின் றன்னெஞ்சே தன்னைச் சுடும்
4. குறள் 294 — உள்ளத்தாற் பொய்யா தொழுகி னுலகத்தா ருள்ளத்து ளெல்ல முளன்
5. குறள் 295 — மனத்தொடு வாய்மை மொழியிற் றவத்தொடு தானஞ்செய் வாரின் தலை
6. குறள் 296 — பொய்யாமை யன்ன புகழில்லை பொய்யாமை யெல்லா வறமுந் தரும்
7. குறள் 297 — பொய்யாமை பொய்யாமை யாற்றி னறம்பிற செய்யாமை செய்யாமை நன்று
8. குறள் 298 — புறந்தூய்மை நீரா னமையு மகந்தூய்மை வாய்மையாற் காணப் படும்
9. குறள் 299 — எல்லா விளக்கும் விளக்கல்ல சான்றோர்க்குப் பொய்யா விளக்கே விளக்கு
10. குறள் 300 — யாமெய்யாக் கண்டவற்று ளில்லை யெனைத்தொன்றும் வாய்மையி னல்ல பிற