செயல்
என்று முடியும் குறள்கள்
ஒல்லும் வகையா னறவினை யோவாதே
செல்லும்வா யெல்லாஞ் செயல்
இளங்குமரனார்
முடிந்த வகையால் எல்லா வழிகளிலும் ஓயாமல் அறம் செய்தல் கடமை.
தந்தை மகற்காற்று நன்றி யவையத்து
முந்தி யிருப்பச் செயல்
இளங்குமரனார்
சான்றோர் கூட்டத்தில் முதல்வராக இருக்கச் செய்வதே பெற்றோர் மக்களுக்குச் செய்யும் கடமையாகும்.
இன்னா வெனத்தா னுணர்ந்தவை துன்னாமை
வேண்டும் பிறன்கட் செயல்
இளங்குமரனார்
தனக்குத் துன்பமானது என்று அறிந்தவற்றைப் பிறர்க்குச் செய்வதைக் கருதாது இருத்தல் வேண்டும்.
தன்னுயிர்க்கு கின்னாமை தானறிவா னென்கோலோ
மன்னுயிர்க் கின்னா செயல்
இளங்குமரனார்
தனக்குத் துன்பமாவது இது என்பதை அறிபவன், அத்துன்பத்தைப் பிற உயிர்க்குச் செய்வது ஏன்?
அற்கா வியல்பிற்றுச் செல்வ மதுபெற்றா
லற்குப வாங்கே செயல்
இளங்குமரனார்
செல்வம் நிலைபெறா இயல்பினது; அது வரப் பெற்றால் நிலை பேறானவற்றைச் செய்து விடுக.
அழிவதூஉ மாவதூஉ மாகி வழிபயக்கு
முதியமுஞ் சூழ்ந்து செயல்
இளங்குமரனார்
ஒரு செயலைச் செய்யும்போது வரும் கேடு நன்மை வருவாய் என்பவற்றை எண்ணிச் செய்தல் வேண்டும்.
வினைவலியுந் தன்வலியு மாற்றான் வலியுந்
துணைவலியுந் தூக்கிச் செயல்
இளங்குமரனார்
செயல் வலிமை, தன் வலிமை, பசைவன் வலிமை, துணையாவார் வலிமை ஆகியவற்றை ஆய்ந்து செய்தல் வேண்டும்.
எய்தற் கரிய தியைந்தக்கா லந்நிலையே
செய்தற் கரிய செயல்
இளங்குமரனார்
கிடைப்பதற்கு அரிய ஒருவாய்ப்புக் கிட்டினால், அப்பொழுதே செய்வதற்கு அரிய செயலைச் செய்து விடுக
செய்வானை நாடி வினைநாடிக் காலத்தோ
டெய்த வுணர்ந்து செயல்
இளங்குமரனார்
செய்பவனையும் ஆய்ந்து, அவன் செயலையும் ஆய்ந்து, காலத்தொடு பொருந்துமாறு எண்ணிச் செய்தல் வேண்டும்.
வினைக்குரிமை நாடிய பின்றை யவனை
யதற்குரிய னாகச் செயல்
இளங்குமரனார்
செயலுக்குரிய தகுதியை ஆய்ந்த பின்னர், அதற்குத் தக்கவனை அதற்கு உரியவனாக்குதல் வேண்டும்.
செயற்கை யறிந்தக் கடைத்து முலகத்
தியற்கை யறிந்து செயல்
இளங்குமரனார்
அமைச்சனாவான், செயல் திறம் அறிந்தாலும் உலகத்தின் இயற்கை நிலையையும் அறிந்து செய்தல் வேண்டும்.
சொல்லுதல் யார்க்கு மெளிய வரியவாஞ்
சொல்லிய வண்ணஞ் செயல்
இளங்குமரனார்
சொல்லுவது எவர்க்கும் எளியதேயாம்; ஆனால் சொன்ன படிசெய்து நிறைவேற்றல் அரிதாகும்.
கலங்காது கண்டவினைக்கட் டுளங்காது
தூக்கங் கடிந்து செயல்
இளங்குமரனார்
உறுதியாகத் தேர்ந்து கொண்ட செயலை அசையாமல் சோர்வு நீங்கிச் செய்தல் வேண்டும்.
ஒல்லும்வா யெல்லாம் வினைநன்றே யொல்லாக்காற்
செல்லும்வாய் நோக்கிச் செயல்
இளங்குமரனார்
எல்லா வகையாலும் செயலாற்றல் நல்லதே; அஃது ஆகாதபோது, நிறைவேறத் தக்கவகை ஆய்ந்து செய்க.
பொருள்கருவி காலம் வினையிடனோ டைந்து
மிருடீர வெண்ணிச் செயல்
இளங்குமரனார்
பொருள், கருவி, காலம், செயல், இடம் என்னும் ஐந்தையும் தெளிவாக எண்ணிச் செயலாற்றல் வேண்டும்.
முடிவு மிடையூறு முற்றியாங் கெய்தும்
படுபயனும் பார்த்துச் செயல்
இளங்குமரனார்
செயல் முடிவு, செயல்தடை, முடிவின் பயன் என்பவற்றை எண்ணிப்பார்த்தே எச்செயலையும் செய்தல் வேண்டும்.
பேதைமையு ளெல்லாம் பேதைமை காதன்மை
கையல்ல தன்கட் செயல்
இளங்குமரனார்
அறியாமையுள் எல்லாம் அறியாமையாவது, ஒழுக்க மற்றதன்மேல் விருப்பம் வைக்கும் செயலாகும்.
கூற்றத்தைக் கையால் விளித்தற்றா லாற்றுவார்க்
காற்றாதா ரின்னா செயல்
இளங்குமரனார்
செயல் வல்லவர்க்கு அஃதில்லாதார் தீமைபுரிவது அழிவைக் கைதட்டி அழைப்பது போன்றதாம்.
இல்லாளை யஞ்சுவா னஞ்சுமற் றெஞ்ஞான்று
நல்லார்க்கு நல்ல செயல்
இளங்குமரனார்
மனைவியிடம் அச்சம் உடையவன் எப்பொழுதும் தக்கவர்க்குத் தக்கவை செய்தற்கும் அஞ்சுவன்.
நோய்நாடி நோய்முத னாடி யதுதணிக்கும்
வாய்நாடி வாய்ப்பச் செயல்
இளங்குமரனார்
நோயை ஆராய்ந்து அது வந்தவகையை ஆராய்ந்து நீக்கும் வகையை ஆராய்ந்து செயலாற்ற வேண்டும்.
உற்றா னளவும் பிணியளவுங் காலமுங்
கற்றான் கருதிச் செயல்
இளங்குமரனார்
மருத்துவ வல்லான் நோயன் நிலை, நோய்நிலை, நோய்க் காலம் என்பவற்றை எண்ணிச் செய்யவேண்டும்.
பெருமை யுடைய ராற்றுவா ராற்றி
னருமை யுடைய செயல்
இளங்குமரனார்
பிறர்செய்தற்கு அரிய செயலைப் பெருமையுடையவர், செய்யும் வழியால் எளிதாகச் செய்வர்.