அற்று
என்று முடியும் குறள்கள்
துறந்தார் பெருமை துணைக்கூறின் வையத்
திறந்தாரை யெண்ணிக்கொண் டற்று
இளங்குமரனார்
பற்றற்றவர் பெருமையை அளத்தல் அரிது. அது உலகில் இறந்தவரை எண்ணிக்கையிடல் போன்றது.
அன்பகத் தில்லா வுயிர்வாழ்க்கை வன்பாற்கண்
வற்றன் மரந்தளிர்த் தற்று
இளங்குமரனார்
அன்பைத் தன்னிடத்துக் கொள்ளாதவர் வாழ்வு, வலிய பாறைமேல் பட்ட மரம் தளிர்த்தது போலாகும்.
இனிய வுளவாக லின்னாத கூறல்
கனியிருப்பக் காய்கவர்ந் தற்று
இளங்குமரனார்
இன் சொற்கள் இருக்க, இனிமையில்லாததைச் சொல்லுவது கனியிருக்கக் காயைத் திருடுவதாம்.
சினத்தைப் பொருளென்று கொண்டவன் கேடு
நிலத்தெறிந்தான் கைபிழையா தற்று
இளங்குமரனார்
சினத்தையே கைப்பொருளாகக் கொண்டவன் கெட்டுப் போவது, நிலத்தை அடித்தவன் கை தப்பாததுபோல் ஆகும்.
கூத்தாட் டவைக்குழாத் தற்றே பெருஞ்செல்வம்
போக்கும் மதுவிளிந் தற்று
இளங்குமரனார்
கூத்து நிகழ்ச்சிக்குக் கூட்டம் வருவது போல வந்து மொத்தமாகப் போகும் இயல்பினது செல்வம்.
கல்லாதான் சொற்கா முறுதன் முலையிரண்டும்
இல்லாதாள் பெண்காமுற் றற்று
இளங்குமரனார்
கல்வியறிவில்லாதவன் கற்றவன் போல் சொல்ல விரும்புவது மார்பகம் இல்லாதவள் இன்புற விரும்புவது போன்றதாம்.
நுண்மா ணுழைபுல மில்லா னெழில்நலம்
மண்மாண் புனைபாவை யற்று
இளங்குமரனார்
நுண்மையும் விரிவும் ஆழமும் அமைந்த அறிவிலான் அழகு, மண் பொம்மை அழகுபோன்றதாம்.
அளவளா வல்லாதான் வாழ்க்கை குளவளாக
கோடின்றி நீர்நிறைந் தற்று
இளங்குமரனார்
சுற்றத்தோடு கலந்து பழகாதவன் வாழ்வு, குளத்தைச் சுற்றி யமைந்த கரையில்லாமல் நீர் நிறைந்தது போலாம்.
சலத்தாற் பொருள்செய்தே மார்த்தல் பசுமட்
கலத்துணீர் பெய்திரீஇ யற்று
இளங்குமரனார்
வஞ்சத்தால் பொருளைத் தேடிக் காப்பது சுடாத பச்சைமண் பானையில் நீர்விட்டு வைப்பது போன்றதாம்.
வினையால் வினையாக்கிக் கோட னனைகவுள்
யானையால் யானையாத் தற்று
இளங்குமரனார்
ஒரு செயலை மற்றொரு செயலால் நிறைவேற்றல் மதயானையை மதயானையால் பிடிப்பதாம்.
உணர்வ துடையார்முற் சொல்லல் வளர்வதன்
பாத்தியுள் நீர் சொரிந்தற்று
இளங்குமரனார்
பேசுவார் உணர்வோடு ஒத்தவர் முன் பேசுதல் வளரும் பயிர் உள்ள விளை நிலத்தில் மழை பெய்வது pondrathaam
உடம்பா டிலாதவர் வாழ்க்கை குடங்கருள்
பாம்போ டுடனுறைந் தற்று
இளங்குமரனார்
ஒன்றுபட்டு வாழாதவர் வாழ்க்கை குடிசைக்குள் பாம்போடு கூடி வாழ்வது போன்றதாம்.
பொருட்பெண்டிர் பொய்ம்மை முயக்க மிருட்டறையில்
ஏதில் பிணந்தழீஇ யற்று
இளங்குமரனார்
பொருளுக்காக விரும்புவரைப் பொய்யாகத் தழுவுதல் இருட்டில் அயலார் பிணத்தைத் தழுவுதல் போன்றது.
களித்தானைக் காரணங் காட்டுதல் கீழ்நீர்க்
குளித்தானைத் தீத்துரீஇ யற்று
இளங்குமரனார்
குடித்திருப்பவனிடம் அறிவுரை கூறுதல், நீருக்குள் முழுகியவனைத் தீப்பந்தம் கொண்டு தேடுவதாம்.
வேண்டற்க வென்றிடினுஞ் சூதினை வென்றதூஉம்
தூண்டிற்பொன் மீன்விழுங்கி யற்று
இளங்குமரனார்
வெற்றியே வருமானாலும் சூதாட வேண்டா; சூதின் வெற்றி தூண்டில் புழுவை மீன்கவ்வுதல் போன்றது.
பண்பிலான் பெற்ற பெருஞ்செல்வ நன்பால்
கலந்தீமை யாற்றிரிந் தற்று
இளங்குமரனார்
பண்பில்லாதவன் பெற்ற பெரிய செல்வம், நல்லபால் தீய ஏனத்தால் கெடுவதுபோல் கெடும்.
நாணகத் தில்லா ரியக்கம் மரப்பாவை
நாணா லுயிர்மருட்டி யற்று
இளங்குமரனார்
நாணமில்லாதவர் உலகில் திரிவது, மரப்பொம்மை உயிருள்ளதெனக் கயிற்றில் ஆடுவது போன்றது.
கண்டது மன்னு மொருநா ளலர்மன்னுந்
திங்களைப் பாம்புகொண் டற்று
இளங்குமரனார்
பார்த்தது ஒரே ஒரு நாள் தான். ஆனால் பழிச்சொல்லோ நிலவை நிழல் பற்றுவது போன்றாயிற்று.
ஊடி யவரை யுணராமை வாடிய
வள்ளி முதலரிந் தற்று
இளங்குமரனார்
ஊடியிருப்பவரை உணராது இருத்தல், வாடிய கொடியைக் கிழங்கோடு அறுப்பது ஆகும்.
துனியும் புலவியு மில்லாயிற் காமங்
கனியுங் கருக்காயும் மற்று
இளங்குமரனார்
முதிர் கனியும் இளங்காயும் போல் சுவையற்ற தாகும் ஊடலும் ஊடற் பிணக்கும் இல்லாமை.