அறிவு
என்று முடியும் குறள்கள்
எப்பொரு ளெத்தன்மைத் தாயினு மப்பொருள்
மெய்ப்பொருள் காண்ப தறிவு
இளங்குமரனார்
எப்பொருள் எத்தன்மையுடையதாக இருப்பினும் அப்பொருளில் உண்மையைக் கண்டு கொள்வதே அறிவு.
பிறப்பென்னும் பேதைமை நீங்கச் சிறப்பென்னுஞ்
செம்பொருள் காண்ப தறிவு
இளங்குமரனார்
பிறப்பு என்னும் அறியாமை விலகுவதற்குச் சிறப்பு என்னும் மெய்ப் பொருளைக் காணல் அறிவாகும்.
தொட்டனைத் தூறு மணற்கேணி மாந்தர்க்குக்
கற்றனைத் தூறு மறிவு
இளங்குமரனார்
தோண்டிய அளவுக்கு மணல் ஊற்றில் நீர் சுரக்கும்; அதுபோல்கற்ற அளவுக்கு அறிவு சுரக்கும்.
சென்ற விடத்தாற் செலவிடா தீதொரீஇ
நன்றின்பா லுய்ப்ப தறிவு
இளங்குமரனார்
போனபோக்கில் போகவிடாமல், தீமையில் இருந்து விலக்கி நல்ல வழிகளில் போக வைப்பதே அறிவாகும்.
எப்பொருள் யார்யார்வாய்க் கேட்பினு மப்பொருள்
மெய்ப்பொருள் காண்ப தறிவு
இளங்குமரனார்
எப்பொருளை எவர் எவர் சொன்னாலும் அப்பொருளின் உண்மை காண்பதே அறிவாகும்.
எண்பொருள வாகச் செலச்சொல்லித் தான்பிறர்வாய்
நுண்பொருள் காண்ப தறிவு
இளங்குமரனார்
பிறர் எளிதாகப் புரிந்து கொள்ளுமாறு சொல்லி, பிறர் நுட்பமாகச் சொல்வதையும் தான் புரிந்து கொள்ளுவது அறிவாகும்.
உலகந் தழீஇய தொட்ப மலர்தலுங்
கூம்பலு மில்ல தறிவு
இளங்குமரனார்
விரிதலும் சுருங்குதலும் இல்லாதது அறிவு; அதுவும் உயர்ந்தோரைத் தழுவிச் செல்லுதல் ஒளியுடையது.
எவ்வ துறைவ துலக முலகத்தோ
டவ்வ துறைவ தறிவு
இளங்குமரனார்
உயர்ந்தோர் எவ்வகையில் வாழ்கின்றனரோ அவ்வகையில் அவரைத் தழுவி வாழ்வதே அறிவாகும்.
நிலத்தியல்பா னீர்திரிந் தற்றாகு மாந்தர்க்
கினத்தியல்ப தாகு மறிவு
இளங்குமரனார்
நிலத்தின் தன்மைபோல் நீர்மாறும், அதுபோல் மக்களும் சேர்ந்தவர் இயல்பினர் ஆவர்.
மனத்து ளதுபோலக் காட்டி யொருவற்
கினத்துள தாகு மறிவு
இளங்குமரனார்
மனத்தின் தன்மை போன்றது எனத்தோன்றித், தான் சேர்ந்த இனத்தின் தன்மையாக அமைவது அறிவாகும்.