அரிது
என்று முடியும் குறள்கள்
தனக்குவமை யில்லாதான் றாள்சேர்ந்தார்க் கல்லான்
மனக்கவலை மாற்ற லரிது
இளங்குமரனார்
இணையற்ற பெரியோன் வழியில் நடவாதவர்க்கு மனக்கவலை மாறாது.
அறவாழி யந்தணன் றாள்சேர்ந்தார்க் கல்லாற்
பிறவாழி நீந்த லரிது
இளங்குமரனார்
அறக்கடலாக விளங்கும் அருளாளன் வழியில் செல்லாதவர் பழிக்கடலைக் கடவார்.
விசும்பிற் றுளிவீழி னல்லான்மற் றாங்கே
பசும்புற் றலைகாண் பரிது
இளங்குமரனார்
மழைத்துளி வீழாவிட்டால் அவ்விடத்தில் புல்லும் முளையாது.
குணமென்னுங் குன்றேறி நின்றார் வெகுளி
கணமேயுங் காத்த லரிது
இளங்குமரனார்
உயர்ந்த குணமலையாக விளங்குபவர் தொடியளவு கூடச் சினம்கொள்ளார்.
செய்யாதார் செய்த வுதவிக்கு வையகமும்
வானகமு மாற்ற லரிது
இளங்குமரனார்
முன்னர்ச் செய்யாமல் ஒருவர் செய்யும் உதவிக்கு மண்ணகமும் விண்ணகமும் கூட ஈடாகமாட்டா.
பாத்தூண் மரீஇ யவனைப் பசியென்னுந்
தீப்பிணி தீண்ட லரிது
இளங்குமரனார்
பகுத்துத்தந்து உண்பவனைப் பசி என்னும் தீயநோய் பற்றிக் கொள்ளுவது இல்லை.
நத்தம்போற் கேடு முளதாகுஞ் சாக்காடும்
வித்தகற் கல்லா லரிது
இளங்குமரனார்
சுடச்சுட ஒளிவிடும் சங்குபோன்ற புகழ்வறுமையும், அழியாத சாவும் பெருந்தகையர்க்கே வாய்க்கும்.
பொருளற்றார் பூப்ப ரொருகா லருளற்றா
ரற்றார்மற் றாத லரிது
இளங்குமரனார்
பொருளை இழந்தவர் ஒருகால் அதனை அடைதல் கூடும். ஆனால் அருளை இழந்தவர் இழந்தவரே.
வகுத்தான் வகுத்த வகையல்லாற் கோடி
தொகுத்தார்க்குத் துய்த்த லரிது
இளங்குமரனார்
முறையாக வந்த ஆட்சி முறைப்படி அல்லாமல் கோடி யளவாகச் சேர்த்தாலும் அதனை நுகர இயலாது.
நுணங்கிய கேள்விய ரல்லார் வணங்கிய
வாயின ராத லரிது
இளங்குமரனார்
நுட்பமான கேள்வி யறிவில்லாதவர் பணிவுடைய சொற்களைச் சொல்பவராக இருத்தல் அரிதாகும்.
சிறைநலனுஞ் சீரு மிலரெனினு மாந்த
ருறைநிலத்தோ டொட்ட லரிது
இளங்குமரனார்
பாதுகாப்பும் படைச்சிறப்பும் இல்லாதவர் என்றாலும் அவர் தங்கி யிருக்கும் இடத்தை வலியவரும் அடைதல் அரிது.
படியுடையார் பற்றமைந்தக் கண்ணு மடியுடையார்
மாண்பய னெய்த லரிது
இளங்குமரனார்
உலகாள்பவர் உறவு கிடைத்தாலும் சோம்பலுடையவர் பெரும் பயன் கொள்ளற்கு இயலாது.
சொலல்வல்லன் சோர்வில னஞ்சா னவனை
யிகல்வெல்லல் யார்க்கு மரிது
இளங்குமரனார்
சொல்வன்மையும் சோர்வு இல்லாமையும் அஞ்சாமையும் உடையவரை எதிரிட்டு எவரும் வெல்லல் இயலாது
போற்றி னரியவை போற்றல் கடுத்தபின்
றேற்றுதல் யார்க்கு மரிது
இளங்குமரனார்
காக்க அரியவற்றைக் காத்தல் வேண்டும்; அவ்வாறின்றி முதிரவிட்டால், அதன்விளைவைத் தடுத்தல் அரிதாகும்.
உலைவிடத் தூறஞ்சா வன்கண் டொலைவிடத்துத்
தொல்படைக் கல்லா லரிது
இளங்குமரனார்
அயலான இடத்தில் அஞ்சத்தக்க நிலையினும் அஞ்சாமை, பரம்பரை வீரப்படைக்கே உண்டு.
பலநல்ல கற்றக் கடைத்து மனநல்லர்
ஆகுதன் மாணார்க் கரிது
இளங்குமரனார்
நல்ல நூல்கள் பலவற்றைக் கற்றாலும் நன்மனத்தராக நட்புக் கொள்ளல், இழிந்தவர்க்கு இல்லையாகும்.
அறிவிலார் தாந்தம்மைப் பீழிக்கும் பீழை
செறுவார்க்குஞ் செய்த லரிது
இளங்குமரனார்
அறிவிலி தனக்குத்தானே உண்டாக்கும் துன்பம் பகைவராலும் செய்தற்கு இயலாது.
ஒன்றாமை யொன்றியார் கட்படி னெஞ்ஞான்றும்
பொன்றாமை யொன்ற லரிது
இளங்குமரனார்
பொருந்தாத் தன்மை பொருந்தியவர்களிடத்து உண்டானால் எப்பொழுதும் அழியாமை இருத்தல் இல்லை.
நெருப்பினுள் துஞ்சலு மாகு நிரப்பினுள்
யாதொன்றுங் கண்பா டரிது
இளங்குமரனார்
தீக்குள் உறங்கினாலும் உறங்கலாம் ஆனால் வறுமைக்குள் கண்மூடலும் முடியாது.