அதிகாரம் 87

பகைமாட்சி

வலிமையுள்ளார் தம்மோடு வம்பு செய்தால் துன்பமதாம்
எளியோரின் பகையானால் இன்னல் ஒன்றும் நேராது

அன்புடைய சுற்றத்தார் ஆன்றதுணை இல்லாதார்
எந்ததொரு பகைதனையும் எதிர்கொள்ள முடியாது

கோபமிகக் கொண்டவனை குணமில்லா அறிவிலியை
எளிதாக வென்றிடுவார் எதிர்கொள்வார் என்றுசொல்லு

துன்மார்க்கன் பழிக்கஞ்சான் தூயசெயல் இல்லானை
பகைவெல்வார் பகைகொண்டார் பயன்பெறுவார் என்றுசொல்லு

தகாதஒரு எண்ணம்செயல் தன்னகத்தே கொண்டானை
பகைசெய்தும் அவனைமிகப்பண்படுத்தல் நன்றாகும்

- வேற்கவிராயர்