அதிகாரம் 81

பழமை

வாழையடி வாழையாய் வளர்ந்துவந்த நட்பானால்
பிழைகண்டார் என்றாலும் பிரியமனம் வாராது

உணவுக்கு ருசிசேர்க்கும் உப்பைப்போல் நட்புக்கு
உப்பாகும் பெருந்தன்மை உரைப்பாய் நீ உலகுக்கு

நன்றாக பழகிவரும் நண்பன் ஒரு தீங்குசெய்தால்
சகிப்பதே அல்லாமல் சஞ்சலந்தான் கொள்ளாரே

நட்பின் அடிப்படையில் நண்பனைக் கேளாமல்
எடுப்பானேல் ஒருபொருளை இவன் குற்றம் சொல்லானே

பெருந்தன்மை கொண்ட நண்பன் பேரிழப்பு வருமென்று
தெரியாமல் செய்வானேல் சினம் கொள்ளக்கூடாது .

விரிசலே இல்லாத விடாநட்புக் கொண்டவரை
வெளியுலகம் என்றென்றும் விரும்பிமிகப் பாராட்டும்

உள்ளத்தால் உயர்வுடையோர் உள்ளாரே ஒரு போதும்
நட்பை அழிக்கும் செயல் நட்டார்க்கு என்று சொல்லு

- வேற்கவிராயர்