அதிகாரம் 79

நட்பியல்

செயற்கரிய செயல்களிலே சிநேகந்தான் நனி பெரிது
செய்கருமம் யாவினுக்கும் சிறந்ததொரு காப்பாகும் .

பேரறிவன் நட்பானால் பிறைமதியம் போல்வளரும்
தீயவரின் நட்பானால் தேய்பிறைபோல் தேய்ந்துவிடும்

வாசிக்க வாசிக்க மதிவளரும் புத்தகத்தால்
நேசிக்க நேசிக்க நலம்பெருகும் நல்லவரால்

முகம்பார்த்து பழகுவதால் முழுநட்பு ஆகாது
உள்ளங்கள் ஒன்றித்து ஒழுகுவதே நட்பாகும்

ஆடையது அவிழுங்கால் அவசரமாய் பிடிப்பதுபோல்
உடனடித் தேவைக்கு உதவிடுதல் நட்பாகும் .

ஒல்லும் வகையெல்லாம் உதவிடுதல் நட்பாகும்
இல்லாமை இருந்தாலும் இணைபிரியார் என்று சொல்லு

தீயவழி செல்லுங்கால் திருத்துவதும் நண்பனுக்கு
தீயதாம் துன்பம்வரின் சேர்ந்து கொளல் நட்பாகும்

- வேற்கவிராயர்