அதிகாரம் 3

நீத்தார் பெருமை

துன்பந்தரும் ஆசையினைத் தொலைத்துவிட்ட பெரியோரை
இன்னல் ஒன்றும் செய்யாது என்ற செய்தி சொல்வாய் நீ .

துறந்தார் பெருமையினைச் சொல்ல நினைப்பதுவும்
இறந்தாரை எண்ணுவதும் இயலாது என்று சொல்லு .

இம்மை மறுமையெனும் ஈருலக வாழ்விலுமே
செம்மை நெறியாலே சிறப்படைவார் என்று சொல்லு

கண்காது மூக்குசெவி கால்முளைத்த உடம்பையுந்தான்
சொன்னபடி கேட்க வைப்பார் துறவியர்தாம் என்று சொல்லு .

அந்தணர்கள் என்றென்றும் அறஞ்செய்வார் எவ்வுயிர்க்கும்
தொந்தரவு செய்யாரே துறவியர்தாம் என்று சொல்லு .

சாந்தமெனும் குணமுடைய சான்றோர்கள் ஒருபோதும்
சீந்தாரே கோபமதைத் திருக்குறளே தூது சொல்லு

- வேற்கவிராயர்