அதிகாரம் 10

செய்நன்றி அறிதல்

எந்தவொரு எதிர்பார்ப்பும் இல்லாத உதவிக்கு
எந்தவுல களித்தாலும் ஈடில்லை என்று சொல்லு

செய்திட்ட உதவியுந்தான் சிறிதாக இருந்தாலும்
உய்விக்க ஆகுமென்றால் உலகைவிடப் பெரிதாகும்

தினையளவு உதவியுந்தான் செய்தவொரு காலமதில்
பனையளவு ஆகுமென்று பயனறிந்தார் பகர்ந்திடுவார்

தனக்குவந்த துன்பமதைத் தடுத்துமே காத்த வரை
மனதுக்குள் வைத்திருப்பார் மறுபிறப்பு வந்தாலும்

நலதொன்று செய்தார்க்கு நன்றிசொல்ல மறக்காதே
தீயதென்றால் மறந்துவிடு திருவாளா என்று சொல்லு

என்னன்றி கொன்றார்க்கும் உய்வுண்டாம் உய்வில்லை
செய்நன்றி தனைக்கொன்ற திருவில்லா மானிடர்க்கு

குறிப்பு : உதவி இருவகைப்படும் , வாய்மொழியால் செய்வது ஒன்று . மற்றொன்று செயல்மூலம் செய்வதாகும் . வாய்ப்பேச்சு ஒன்றாலே பலருக்கு பலநேரங்களில் , பல விதத்தில் உதவி செய்யலாம் . மெலிந்தார்க்கும் நலிந்தார்க்கும் வாழ்வில் நலம் பெற பொருள் கொடுத்து உதவுவது பேருதவியாகும் . இந்த உதவியைத்தான் , வள்ளுவர் செய்நன்றி என்று குறிப்பிடுகிறார் .

- வேற்கவிராயர்