அதிகாரம் 14

பிறன் இல் விழையாமை

பிறன்மனைவிதனை நாடும் பேதைமைக் குணம் என்றும்
அறநெறியில் வாழுகின்ற ஆன்றோர்க் கிலையென்பாய்

கடையார் எனும் கூட்டத்தில் கடைக்கடையர் யாரென்றால்
அடைவார் பிறன்மனையில் அவரேதான் என்று சொல்லு

நண்பன் மனைவியிடம் நாணயத்தை விற்றுவிட்டு
பெண்டுக்குப் போகிறவன் பிணம் என்று நீ சொல்லு

சொந்தமில்லா பிறர்மனையில் சொந்தம் கொண்டாடுவது
பந்தமாய்ப் பற்றிக் கொள்ளும் பழி பாவம் என்று சொல்லு

பகைபாவம் அச்சமொடு பழிநான்கும் சேர்ந்துவரும்
புகைபோலப் பிறர்மனையில் புகுவது தான் என்று சொல்லு

பிறர் மனையை நோக்காத பேராண்மை சான்றோக்கு
அறங்களில் பெரியதென்று அனைவருக்கும் போய்ச் சொல்லு

அறத்தை மறந்தாலும் அல்லவையே செய்தாலும்
பிறனில் விழையாதான் பிழைக்கலாம் என்று சொல்லு

- வேற்கவிராயர்