அதிகாரம் 2

வான் சிறப்பு

தென்மதுரைத் தேன்மொழியே திருவள்ளுவரின் வாசகமே
தேசமெங்கும் தூது சொல்ல செய்தி ரொம்ப இருக்குதம்மா

மண்ணுயிர்கள் வாழ்வதெல்லாம் வான்வழங்கும் மழையமுதால்
மானுடர்க்கும் அம்மழையே வழிவகுக்கும் என்று சொல்லு

வானம் வறக்குமெனில் வையகமும் வறண்டுவிடும்
தானம் தருமமெல்லாம் தங்காது என்று சொல்லு .

உழுவார் உழமாட்டார் உண்ணும்பொருள் கிடைக்காது
தொழுவார் வரமாட்டார் தொழுகைக்கு என்று சொல்லு .

நெடுங்கடலும் வற்றிவிடும் நீர்நிலைகள் காய்த்துவிடும்
கடும்வெயிலால் பசும்புல்லும் கருகிவிடும் என்று சொல்லு .

வான்சிறப்பை வகைப்படுத்தி வழங்கியுள்ள திருக்குறளே
தேன்மொழியே நான்இன்னும் செப்பும் மொழி கேட்பாயே !

- வேற்கவிராயர்