பொறை
என்று முடியும் குறள்கள்
இன்மையு ளின்மை விருந்தொரால் வன்மையுள்
வன்மை மடவார்ப் பொறை
இளங்குமரனார்
வறுமையுள் வறுமை விருந்தினரைப் பேணாமை; வலிமையுள் வலிமை அறிவிலார் செயலைப் பொறுத்தல்.
அறன்நோக்கி யாற்றுங்கொல் வையம் புறநோக்கிப்
புன்சொ லுரைப்பான் பொறை
இளங்குமரனார்
புறத்தே பார்த்துப் பழி சொல்பவனை உலகம் அறம் கருதித்தான் சுமந்து கொண்டுள்ளதோ?
கல்லார்ப் பிணிக்குங் கடுங்கோ லதுவல்ல
தில்லை நிலக்குப் பொறை
இளங்குமரனார்
கடுமையான ஆட்சி அறிவில்லாரைச் சார்ந்ததாக இருக்கும், அது அல்லாது நிலத்திற்குப் பாரமாவது வேறொன்றில்லை.
கண்ணோட்டத் துள்ள துலகியல் லஃதிலா
ருண்மை நிலக்குப் பொறை
இளங்குமரனார்
கண்ணோட்டத்தால் தான் உலகத்து இயக்கம் உள்ளது. அதனைக் கொள்ளாதவர் உலகுக்குச் சுமை ஆவர்.
சான்றவர் சான்றாண்மை குன்றி னிருநிலந்தான்
தாங்காது மன்னோ பொறை
இளங்குமரனார்
சால்புடையவர் சால்பு குறைந்தால் உலகம் தன் சுமையையும் தான் தாங்காது.
ஈட்ட மிவறி யிசைவேண்டா வாடவர்
தோற்றம் நிலக்குப் பொறை
இளங்குமரனார்
தேடுவதை விரும்பிப் புகழ்விரும்பாத முயற்சியாளர், நிலத்துக்குச் சுமையானவர்.
அமரகத்து வன்கண்ணர் போலத் தமரகத்து
மாற்றுவார் மேற்றே பொறை
இளங்குமரனார்
போர்க்களத் தலைமைபோலக் குடும்பத் தலைமையும் தாங்குவார் மேலேயே வரும்.