எனின்
என்று முடியும் குறள்கள்
கற்றதனா லாய பயனென்கொல் வாலறிவ
னற்றா டொழாஅ ரெனின்
இளங்குமரனார்
தூய அறிவனின் நல்வழிகளைப் பற்றிக் கொள்வதே கற்கும் மெய்ப்பொருட் கல்விப் பயனாகும்.
தானந் தவமிரண்டுந் தங்கா வியனுலகம்
வானம் வழங்கா தெனின்
இளங்குமரனார்
பெரிய உலகில் மழை பெய்யாவிட்டால் கொடையும் தவமும் நிலைபெறா.
அருங்கேட னென்ப தறிக மருங்கோடித்
தீவினை செய்யா னெனின்
இளங்குமரனார்
எல்லை கடந்து ஒருவன் தீயசெயல் செய்யான் என்றால், அவன் கேடற்றவன் என்பதை அறிந்து கொள்க.
பொய்ம்மையும் வாய்மை யிடத்த புரைதீர்ந்த
நன்மை பயக்கு மெனின்
இளங்குமரனார்
குற்றமில்லாத நன்மையைத் தருமாளால் பொய்யும்கூட மெய்யின் இடத்தைப் பெறும்.
உள்ளிய வெல்லா முடனெய்து முள்ளத்தா
னுள்ளான் வெகுளி எனின்
இளங்குமரனார்
மனத்தில் சிறிதும் சினத்தைக் கொள்ளாதவன் என்றால் அவள்மனத்தில் நினைத்தவை எல்லாம் நிறைவேறும்.
துறப்பார்மற் றுப்புர வில்லா ருறற்பால
வூட்டா கழியு மெனின்
இளங்குமரனார்
கிடைக்க வேண்டுவன கிடையாது ஒழிந்தால்தான். நுகர்ச்சிவாய்ப்பு இல்லாதவர் பற்றறுவர் போலும்!
வேலன்று வென்றி தருவது மன்னவன்
கோலது கோடா னெனின்
இளங்குமரனார்
ஆள்வோன் ஆட்சி தவறற்றது என்றால், அவன் படையால் அன்றி ஆட்சியே வெற்றி தந்துவிடும்.
ஆபயன் குன்று மறுதொழிலோர் நூன்மறப்பர்
காவலன் காவா னெனின்
இளங்குமரனார்
செவ்விய ஆட்சி நடைபெறாவிடில் வருவாய் குறைவதுடன், உழவர் முதல் அறு தொழிலரும் கடமை புரியார்.
பசக்கமற் பட்டாங்கென் மேனி நயப்பித்தார்
நம்நிலைய ராவ ரெனின்
இளங்குமரனார்
என் உடல் நிறம் மாறுவதாக, என் அன்பர் அதனால் நலம்பெறுவார் என்றால்.
பசப்பெனப் பேர்பெறுத னன்றே நயப்பித்தார்
நல்காமை தூற்றா ரெனின்
இளங்குமரனார்
நிறமாறினாள் எனப் பெயர் பெறுதலும் நல்லதே. அவர் பிரிவைப் பழித்துரையார் என்றால்.
வீழப் படுவார் கெழீஇயிலர் தாம்வீழ்வார்
வீழப் படாஅ ரெனின்
இளங்குமரனார்
தாம் விரும்புபவர் நம்மை விரும்பவில்லை எனின் அவர் உரிமைப் பற்றுதல் இல்லாதவரே.