வினை
என்று தொடங்கும் குறள்கள்
வினைவலியுந் தன்வலியு மாற்றான் வலியுந்
துணைவலியுந் தூக்கிச் செயல்
இளங்குமரனார்
செயல் வலிமை, தன் வலிமை, பசைவன் வலிமை, துணையாவார் வலிமை ஆகியவற்றை ஆய்ந்து செய்தல் வேண்டும்.
வினைக்குரிமை நாடிய பின்றை யவனை
யதற்குரிய னாகச் செயல்
இளங்குமரனார்
செயலுக்குரிய தகுதியை ஆய்ந்த பின்னர், அதற்குத் தக்கவனை அதற்கு உரியவனாக்குதல் வேண்டும்.
வினைக்கண் வினையுடையான் கேண்மைவே றாக
நினைப்பானை நீங்குந் திரு
இளங்குமரனார்
செயலிலே கருத்தாக இருப்பவனை, வேறுபட நினைப்பவனை விட்டு வளமை நீங்கும்.
வினைசெய்வார் தஞ்சுற்றம் வேண்டாதா ரென்றாங்
கனைவரையு மாராய்வ தொற்று
இளங்குமரனார்
தொழிலர், சுற்றத்தார், பகைவர் என்னும் எவரையும் ஆய்ந்து அறிவதே ஒற்றர் பணியாம்.
வினைக்கண் வினைகெட லோம்பல் வினைக்குறை
தீர்ந்தாரிற் றீர்ந்தன் றுலகு
இளங்குமரனார்
எடுத்த செயலை முடியாதவரை உலகம் மதியாது; ஆதலால் அதனை இடைத் தடையின்றி முடித்தல் வேண்டும்.
வினைத்திட்ப மென்ப தொருவன் மனத்திட்ப
மற்றவை யெல்லாம் பிற
இளங்குமரனார்
செயல் உறுதி என்பது ஒருவன் மன உறுதியே மற்றைய உறுதிகள் எல்லாம் உறுதிகள் ஆகா.
வினைபகை யென்றிரண்டி னெச்ச நினையுங்காற்
றீயெச்சம் போலத் தெறும்
இளங்குமரனார்
செயல்முடியாமை, பகையழியாமை என்னும் குறைகள் தீயை அணையாது விட்ட குறைபோல் அழிக்கும்.
வினையால் வினையாக்கிக் கோட னனைகவுள்
யானையால் யானையாத் தற்று
இளங்குமரனார்
ஒரு செயலை மற்றொரு செயலால் நிறைவேற்றல் மதயானையை மதயானையால் பிடிப்பதாம்.
வினைகலந்து வென்றிக வேந்தன் மனைகலந்து
மாலை யயர்கம் விருந்து
இளங்குமரனார்
ஆட்சித் தலைவன் செயல் சிறந்து வெல்க. யாம் வீட்டுத் தலைவனோடு கூடி, விருந்தாடுவோம்.