அதிகாரம் 45

பெரியாரைத் துணைக் கோடல்

அறிவுடைய பெரியோரின் அளப்பரிய நட்பதனை
தேடுவது நல்லதென்று தேசமெங்கும் போய்ச்சொல்லு

துன்பமது வருமுன்னர் துறத்தும் வழி கண்டவரின்
துணைகொண்டு செயலாற்றத் துணிவு கொள்ள வேண்டுமன்றோ

பெரியாரை மிகப்பேணிப் பெறுகின்ற அவர்துணைதான்
அருமையிலும் அருமையென்று அனைவர்க்கும் போய்ச்சொல்லு

தன்னுடைய கண்ணிரண்டும் தனக்குதவி ஆவது போல்
துப்பாய அறிஞர்களைத் துணைகொள்ளல் வேண்டுமன்றோ

என்றென்றும் புத்திமதி இடித்துரைப்பார் துணையானால்
நன்றாகும் அவர்செயல்தான் நானிலத்தில் என்று சொல்லு

இடித்துரைப்பார் இல்லாத ஏமாளி மன்னனவன்
கெடுப்பார் இலையெனினும் கெட்டுத்தான் போவானே

மூலதனம் இல்லாதான் முதலாளி ஆவதில்லை
அமைச்சரவை இல்லாதான் அரசாள முடியாது

- வேற்கவிராயர்