நகும்
என்று முடியும் குறள்கள்
வஞ்ச மனத்தான் படிற்றொழுக்கம் பூதங்க
ளைந்து மகத்தே நகும்
இளங்குமரனார்
வஞ்சக உள்ளத்தவனது தீய நடத்தையைக் கண்டு அவன் உள்ளே உள்ள பூதங்கள் ஐந்தும் சிரிக்கும்.
கைவேல் களிற்றோடு போக்கி வருபவன்
மெய்வேல் பறியா நகும்
இளங்குமரனார்
கையில் இருந்த வேலை யானைமேல் எய்தவன் தன் மேல்பட்ட வேலைப் பறித்து மகிழ்வான்.
இலமென் றசைஇ யிருப்பாரைக் காணின்
நிலமென்னும் நல்லாள் நகும்
இளங்குமரனார்
வளமான நிலமிருந்தும் எதுவும் 'இல்லை' என்றிருக்கும் சோம்பேறியைக் கண்டு நிலமகளே சிரிப்பாள்.
யானோக்குங் காலை நிலனோக்கு நோக்காக்காற்
றானோக்கி மெல்ல நகும்
இளங்குமரனார்
நான் பார்க்கும் போது நிலத்தைப் பார்ப்பாள். பாராத போது என்னைப் பார்த்து நகைப்பாள்.
குறிக்கொண்டு நோக்காமை யல்லா லொருகண்
சிறக்கணித்தாள் போல நகும்
இளங்குமரனார்
நேராகப் பாராமையுடன் ஒருகண்ணைச் சுருக்கிப் பார்ப்பது போல் பார்த்துச் சிரிப்பாள்.
அசையியற் குண்டாண்டோ ரேஎர்யா னோக்கப்
பசையினள் பைய நகும்
இளங்குமரனார்
மெல்லியவளுக்கு ஒருதனி அழகுண்டு; யான் பார்க்கவும் அன்புடையவள்போல மெல்ல நகுவாள்.