தொழில்
என்று முடியும் குறள்கள்
உவப்பத் தலைக்கூடி யுள்ளப் பிரித
லனைத்தே புலவர் தொழில்
இளங்குமரனார்
மகிழுமாறு கூடியிருந்து பிரிவுத்துயர் வருத்துமாறு பிரிவதே புலமையுடையவர் இயல்பாகும்.
அஞ்சுவ தஞ்சாமை பேதைமை யஞ்சுவ
தஞ்ச லறிவார் தொழில்
இளங்குமரனார்
அஞ்சுவதற்கு அஞ்சாதிருத்தல் அறிவில்லாமை. அஞ்சுவதற்கு அஞ்சுதல் அறிவாளர் இயல்பு.
குடிபுறங் காத்தோம்பிக் குற்றங் கடிதல்
வடுவன்று வேந்தன் றொழில்
இளங்குமரனார்
குடிகளைத் துயரில்லாமல் காத்து, குற்றமுண்டாயின் தண்டித்தல் குற்றமில்லை; ஆட்சிமுறையாம்.
எல்லார்க்கு மெல்லா நிகழ்பவை யெஞ்ஞான்றும்
வல்லறிதல் வேந்தன் றொழில்
இளங்குமரனார்
நாட்டினர் எவர்க்கும் எதுவும் நிகழலாம். ஆதலால் ஆள்வோன் உடனுக்குடன் எப்பொழுதும் அறிதல் கடன்.
நாணாமை நாடாமை நாரின்மை யாதொன்றும்
பேணாமை பேதை தொழில்
இளங்குமரனார்
நாணமில்லாமை, ஆராயாமை, அன்பு இல்லாமை, எதனையும் போற்றாமை அறிவிலியின் தொழிலாகும்.
காமமென வொன்றோ கண்ணின்றென் நெஞ்சத்தை
யாமத்து மாளுந் தொழில்
இளங்குமரனார்
காமம் என்பது இரக்கமற்றது. அது நள்ளிரவும் நெஞ்சை ஆட்டிப் படைக்கின்றது.