தார்
என்று முடியும் குறள்கள்
பிறவிப் பெருங்கட னீந்துவர் நீந்தா
ரிறைவனடி சேரா தார்
இளங்குமரனார்
நன்மைக்கு இடமானவன் வழியைப் பற்றிக் கொண்டவர் அறியாமைக் கடல் கடப்பர்; பிறர் கடவார்.
செயற்கரிய செய்வார் பெரியர் சிறியர்
செயற்கரிய செய்கலா தார்
இளங்குமரனார்
பிறரால் செய்ய இயலாத அருஞ்செயல்களைச் செய்பவர் பெரியர்; பிறர் சிறியர்.
பரிந்தோம்பிப் பற்றற்றோ மென்பர் விருந்தோம்பி
வேள்வி தலைப்படா தார்
இளங்குமரனார்
விருந்தினரைப் பேணும் நற்செயலைச் செய்யாதவரே, எம் செல்வத்தைக் காத்து உறவினர் இழந்தேம் என்பர்.
உலகத்தோ டொட்ட வொழுகல் பலகற்றுங்
கல்லா ரறிவிலா தார்
இளங்குமரனார்
பலவற்றைப் படித்தாலும், உயர்ந்தவர் வழியில் நடவாதவர் படிப்பறிவில்லாதவரே ஆவர்.
நலக்குரியார் யாரெனி னாமநீர் வைப்பிற்
பிறற்குரியா டோடோயா தார்
இளங்குமரனார்
நலத்திற்கெல்லாம் உரியவர் எவர் என்றால், அவர் பிறனுக்கு உரியவளை விரும்பாதவரே.
தாமின் புறுவ துலகின் புறக்கண்டு
காமுறுவர் கற்றறிந் தார்
இளங்குமரனார்
தாம் பெற்ற கல்வி அறிவால் உலகத்தாரும் மகிழக்கண்ட அறிவாளர் அக்கல்வியின் மேல், மேலும் ஆவலடைவர்.
இணரூழ்த்து நாறா மலரனையர் கற்ற
துணர விரித்துரையா தார்
இளங்குமரனார்
தாம் கற்றதை அறியச் சொல்லும் திறமை இல்லாதவர் மலர்ந்தும் மணம் பரப்பா மலரைப் போன்றவர்.
பல்லவை கற்றும் பயமிலரே நல்லவையுள்
னன்கு செலச்சொல்லா தார்.
இளங்குமரனார்
நல்ல அவையில் பேச வல்லமை இல்லாதவர் எவ்வளவு கற்றாலும் பயனற்றவரே.
உளரெனினு மில்லாரோ டொப்பர் களனஞ்சிக்
கற்ற செலச்சொல்லா தார்
இளங்குமரனார்
அவைக்கு அஞ்சிப் படித்ததைச் சொல்ல முடியாதவர் கல்வி அறிவுள்ளவர் எனினும் இல்லாதவரொடு சேர்ந்தவரே.
விழையார் விழையப் படுவர் பழையார்கட்
பண்பின் றலைப்பிரியா தார்
இளங்குமரனார்
பழந்தொடர்பிளைப் பிரியாத நண்பினர், பகைவராலும் கூட விரும்பப்படுவர்.
உயிர்ப்ப வுளரல்லர் மன்ற செயிப்பவர்
செம்மல் சிதைக்கலா தார்
இளங்குமரனார்
பகைவர் வலிமையை அழிக்க இயலாதவர் உறுதியாக, உ உயிரோடு இருப்பவர் ஆகார்.
உண்ணற்க கள்ளை யுணிலுண்க சான்றோரா
லெண்ணப் படவேண்டா தார்
இளங்குமரனார்
மதுவை விரும்ப வேண்டா; விரும்பினும் விரும்புக: உயர்ந்தோர் மதிக்கும் மதிப்பை இழக்க வேண்டுமானால்.
ஒழுக்கமும் வாய்மையு நாணுமிம் மூன்று
மிழுக்கார் குடிப்பிறந் தார்
இளங்குமரனார்
நற்குடிப் பிறப்பினர் ஒழுக்கம் வாய்மை நாணம் என்பவற்றை நீங்கார்.