உள
என்று முடியும் குறள்கள்
இலனென்னு மெவ்வ முரையாமை யீதல்
குலனுடையான் கண்ணே உள
இளங்குமரனார்
யான் இல்லாதவன் என்னும் குறையைச் சொல்லு முன்னரே கொடுத்தல் உயர்குடிப் பிறப்பினரிடத்தில் உண்டு.
அருட்செல்வஞ் செல்வத்துட் செல்வம் பொருட்செல்வம்
பூரியார் கண்ணு முள
இளங்குமரனார்
செல்வங்களில் எல்லாம் சிறந்த செல்வம் அருட்செல்வமே; மற்றைப் பொருட் செல்வம் கீழோரிடத்தும் உண்டு.
பற்றற்ற கண்ணும் பழைமைபா ராட்டுதல்
சுற்றத்தார் கண்ணே யுள
இளங்குமரனார்
பலரும் தொடர்பை விட்டபொழுதிலும் பழந்தொடர்பை மறவாமை சுற்றத்தாரிடத்தே தான் உண்டு
காக்கை கரவா கரைந்துண்ணு மாக்கமு
மன்னநீ ரார்க்கே யுள
இளங்குமரனார்
காகம் கிடைத்த உணவை மறைக்காமல் கூடியுண்பது போல் பயன்படவே, செல்வர்க்குச் செல்வம் உள்ளது.
ஏதிலார் போலப் பொதுநோக்கு நோக்குதல்
காதலார் கண்ணே யுள
இளங்குமரனார்
அறியார் போலப் பொதுப் பார்வை பார்த்தல் காதலர்க்கு உள்ள தன்மையாம்.
கண்டுகேட் டுண்டுயிர்த் துற்றறியு மைம்புலனு
மொண்டொடி கண்ணே யுள
இளங்குமரனார்
காணல் கேட்டல் உண்ணல் முகர்தல் தொடுதல் ஆகிய ஐவகை இன்பமும் இவளிடத்தே உண்டு.