இன்மை
என்று தொடங்கும் குறள்கள்
இன்மையு ளின்மை விருந்தொரால் வன்மையுள்
வன்மை மடவார்ப் பொறை
இளங்குமரனார்
வறுமையுள் வறுமை விருந்தினரைப் பேணாமை; வலிமையுள் வலிமை அறிவிலார் செயலைப் பொறுத்தல்.
இன்மையி னின்னா துடைமை முறைசெய்யா
மன்னவன் கோல்கீழ்ப் படின்
இளங்குமரனார்
செம்மையில்லாத ஆட்சியின் கீழ்ப்படும் போது, செல்வ முடைமை வறுமையிலும் துன்பம் தருவதாகும்.
இன்மை யொருவற் கிளிவன்று சால்பென்னும்
திண்மையுண் டாகப் பெறின்
இளங்குமரனார்
சால்பு எனப்படும் உறுதி உண்டானால் வறுமை ஒருவனுக்கு இழிவாகாது.
இன்மையி னின்னாத தியாதெனி னின்மையின்
இன்மையே யின்னா தது.
இளங்குமரனார்
வறுமையிலும் கொடியது எது என்றால் அவ் வறுமைக் கொடுமையே கொடுமையாம்.
இன்மை யெனவொரு பாவி மறுமையும்
இம்மையும் மின்றி விடும்
இளங்குமரனார்
வறுமை என்னும் பாவி உயிருள்ள அளவும் கெடுப்பான். இறந்த பின்னரும் குடி கெடுப்பான்.
இன்மை யிடும்பை யிரந்துதீர் வாமென்னும்
வன்மையின் வன்பாட்ட தில்.
இளங்குமரனார்
வறுமை கொடுமையானது; அதனைப் பிச்சையால் மாற்றுவோம் என்பது கொடுமையினும் கொடுமை.