அன்பு
என்று தொடங்கும் குறள்கள்
அன்பு மறனு முடைத்தாயி னில்வாழ்க்கை
பண்பும் பயனு மது
இளங்குமரனார்
இல்வாழ்க்கையின் பண்பு (இயல்பு) அன்பாகும், அதன் பயன் அறம் ஆகும்.
அன்பிலா ரெல்லாந் தமக்குரிய ரன்புடையா
ரென்பு முரியர் பிறர்க்கு
இளங்குமரனார்
அன்பிலார் தம் பொருளெல்லாம் தமக்கே கொள்வர்; அன்புடையார் தம் உடலையும் பிறர்க்கே வழங்குவர்.
அன்பீனு மார்வ முடைமை யதுவீனு
நண்பென்னு நாடாச் சிறப்பு
இளங்குமரனார்
அன்பு, ஆவலைத் தரும்; அவ் வாவல் நட்பு என்னும் பெரும் பேற்றைத் தரும்.
அன்புற் றமர்ந்த வழக்கென்ப வையகத்
தின்புற்றா ரெய்துஞ் சிறப்பு
இளங்குமரனார்
உலகில் இனிது வாழ்பவர் அடையும் நலமெல்லாம். அன்பில் நிலைபெற்ற பயனாகும்.
அன்பகத் தில்லா வுயிர்வாழ்க்கை வன்பாற்கண்
வற்றன் மரந்தளிர்த் தற்று
இளங்குமரனார்
அன்பைத் தன்னிடத்துக் கொள்ளாதவர் வாழ்வு, வலிய பாறைமேல் பட்ட மரம் தளிர்த்தது போலாகும்.
அன்பறிவு தேற்ற மவாவின்மை யிந்நான்கு
நன்குடையான் கட்டே தெளிவு
இளங்குமரனார்
அன்பும் அறிவும் தெளிவும் ஆசை இல்லாமையும் ஆகிய இவை நன்கமைந்தவனையே தெளிதல் வேண்டும்.
அன்புடைமை யான்ற குடிப்பிறத்தல் வேந்தவாம்
பண்புடைமை தூதுரைப்பான் பண்பு
இளங்குமரனார்
அன்பு, நற்குடிப் பிறப்பு, தலையாய பண்பு ஆகியவை தூதுரைப்பானுக்கு வேண்டிய இயல்புகள் ஆகும்.
அன்பறி வாராய்ந்த சொல்வன்மை தூதுரைப்பார்க்
கின்றி யமையாத மூன்று
இளங்குமரனார்
அன்பும், அறிவும், தெளிவான சொல்வன்மையும் ஆகியவை தூதுரைப்பானுக்கு மிகத் தேவையானவை.
அன்பில னான்ற துணையிலன் றான்றுவ்வா
னென்பரியு மேதிலான் றுப்பு
இளங்குமரனார்
அன்பிலான் சிறந்த துணை இலான் தன் வலி இலான், பகை வலிமையை எப்படி அழிப்பான்?
அன்புநா ணொப்புரவு கண்ணோட்டம் வாய்மையொ
டைந்துசால் பூன்றிய தூண்
இளங்குமரனார்
அன்பு, நாணம்,ஒப்புரவு, அருள், வாய்மை என்பவை சால்பென்னும் மாடத்தின் தூண்களாம்.
அன்புடைமை யான்ற குடிப்பிறத்த லிவ்விரண்டும்
பண்புடைமை யென்னும் வழக்கு
இளங்குமரனார்
பண்பாடு என்று உலசுவர் வழங்குவது அன்புடைமையும் சிறந்தகுடிப் பிறப்புமாம்.
அன்பொரீஇத் தற்செற் றறம்நோக்கா தீட்டிய
வொண்பொருள் கொள்வார் பிறர்
இளங்குமரனார்
அன்பு இன்றித் தன்னையும் அழித்து அறத்தையும் பாராது தேடிய பொருள் கொள்ளையில் போகும்.