அதிகாரம் 109
தகை அணங்குறுத்தல்
தேவதைதான் வந்ததுவோ தீம்மயில்தான் வந்ததுவோ மாதுதான் வந்தாளோ மயங்குதே என்மனசு நோக்கினாள் அவள் என்னை நோக்கியது என்நெஞ்சில் வேல்கொண்டு குத்தினளோ ! வேறென்ன மாயமதோ ! எமன்என்னும் பெயரைத்தான் இத்தனைநாள் கேட்டிருந்தேன் காண்கின்றேன் பெண்ணுருவில் கரையுதே என்மனசு எமனுக்கு வடக்கயிறு இவளுக்கோ கண்அம்பு என்னுயிரைக் கொல்லத்தான் இப்படியும் வந்தாளோ அழகான படாமணிந்த ஆனைமுகம் பாராமல் பட்டுத்துகில் அணிந்த பருமுலையைப் பார்ப்பதென்ன உண்டால்தான் மகிழ்ச்சிதரும் ஒருகலயம் கள் ஆனால் கண்டதுமே பெண்கலசம் காமத்தை உண்டுபண்ணும் குறிப்பு : தகைஅணங்குறுத்தல் - அழகுமிளிரும் அணங்கு போன்ற மங்கையின் அச்சுறுத்தல் , களவியல் - திருமணம் ஆகுமுன் மற்றவர்கு தெரியாமல் பழகுதல்
- வேற்கவிராயர்