அதிகாரம் 108

கயமை

கயவர் எனப்படுவார் காண்பதற்கு மனிதர்களாம்
நடத்தை செயல்களிலே நாமவரைக் கண்டிடலாம்

கவலையொன்றும் இல்லாமல் காரியங்கள் ஆற்றுவதால்
கயவரும் ஒருவகையில் கனவானாம் என்றுசொல்லு

தேவர்களுக் கொப்பாவார் தீயசெயல் கயவர்களும்
ஏனென்றால் இருவருமேர் இஷ்டம் போல் மேய்ந்திடுவார்

அறைபறையைப் போலாவார் அக்கயவர் மற்றவர்மேல்
இல்லாத செய்திஎல்லாம் இட்டுக்கட்டிப் பறையடிப்பார்

மற்றவர்கள் உண்பதையும் மனமகிழ்ந்து வாழ்வதையும்
கண்டாலே வெதும்பிடுவார் கயவர்தான் என்றுசொல்லு

- வேற்கவிராயர்