வினை
என்று முடியும் குறள்கள்
மன்னுயி ரோம்பி யருளாள்வாற் கில்லென்ப
தன்னுயி ரஞ்சும் வினை
இளங்குமரனார்
உயிர்களைப் பேணி இரக்கம் காட்டுபவனுக்குத் தன் உயிர்க்கு அஞ்சும் செயல் இல்லை.
தன்னுயிர் நீப்பினுஞ் செய்யற்க தாம்பிறி
தின்னுயிர் நீக்கும் வினை
இளங்குமரனார்
தன் உயிர் இழக்கும் நிலை நேருமாயினும் பிற உயிர்களைக் கொல்லும் செயலைச் செய்தலாகாது.
வியவற்க வெஞ்ஞான்றுந் தன்னை நயவற்க
நன்றி பயவா வினை
இளங்குமரனார்
ஒருவன் தன்னைப் பெரிதாகப் பாராட்டாதிருப்பானாக அவ் வாறே நன்மை தராத செயலைச் செய்யாதும் இருப்பானாக.
மனந்தூயார்க் கெச்சம்நன் றாகு மினந்தூயார்க்
கில்லைநன் றாகா வினை
இளங்குமரனார்
மனநலத்தர்க்கு உள்ளவை எல்லாம் நல்லனவே. இன நலமும் சேர்ந்தவர்க்கு எல்லாமும் நற்செயலே.
வாரி பெருக்கி வளம்படுத் துற்றவை
யாராய்வான் செய்க வினை
இளங்குமரனார்
வருவாயைப் பெருக்கி வளஞ்சேர்த்துப் பின் விளைவையும் எண்ண வல்லவன் செயலாற்றத் தக்கவன்.
என்று மொருவுதல் வேண்டும் புகழொடு
நன்றி பயவா வினை
இளங்குமரனார்
பெருமையும் நன்மையும் தராத செயல்களை என்றும் செய்யாமல் நீக்கிவிட வேண்டும்.
ஈன்றான் பசிகாண்பா னாயினுஞ் செய்யற்க
சான்றோர் பழிக்கும் வினை
இளங்குமரனார்
பெற்றவள் பசித்துக் கிடக்கக் கண்டாலும் பெரியவர் பழிக்கும் செயலைச் செய்தல் ஆகாது.
துன்பம் முறவரினுஞ் செய்க துணிவாற்றி
யின்பம் பயக்கும் வினை
இளங்குமரனார்
துன்பம் பலவாக வந்தாலும் துணிவுடன் இன்பம் தரும் செயலையே செய்தல் வேண்டும்.
தூங்குக தூங்கிச் செயற்பால தூங்கற்க
தூங்காது செய்யும் வினை
இளங்குமரனார்
காலந்தாழ்த்துச் செய்வதை அவ்வாறே செய்யவேண்டும்; சுறுசுறுப்பாகச் செய்வதை அவ்வாறே செய்யவேண்டும்.
குன்றேறி யானைப்போர் கண்டற்றாற் றன்கைத்தொன்
றுண்டாகச் செய்வான் வினை
இளங்குமரனார்
கைப்பொருளோடு ஒரு செயலைச் செய்தல் மலைமேல் ஏறி நின்று, யானைப் போரைக் காண்பது போன்றது.