பிற
என்று முடியும் குறள்கள்
மனத்துக்கண் மாசில னாத லனைத்தற
னாகுல நீர பிற
இளங்குமரனார்
மனத்தில் களங்கம் இல்லாமையே சிறந்த அறம்; மற்றவை ஆக்கக் கேடானவை.
பெறுமவற்றுள் யாமறிவ தில்லை யறிவறிந்த
மக்கட்பே றல்ல பிற
இளங்குமரனார்
யாம் அறிந்தவற்றுள், அறிவமைந்த நல்ல மக்களைப் பெறுதலே பேறாகும்; மற்றவை பேறாகா.
பணிவுடைய னின்சொல னாதல் ஒருவற்கு
அணியல்ல மற்றுப் பிற
இளங்குமரனார்
பணிவோடு இனிய சொற் சொல்லுதல் அணிகலமாகும் மற்றவை அணிகலங்கள் ஆகா.
புத்தே ளுலகத்து மீண்டும் பெறலரிதே
யொப்புரவி னல்ல பிற
இளங்குமரனார்
பிறர்க்கு உதவும் இயல்பினும் நல்தொன்றை இங்கும் எங்கும்காணல் இயலாது.
யாமெய்யாக் கண்டவற்று ளில்லை யெனைத்தொன்றும்
வாய்மையி னல்ல பிற
இளங்குமரனார்
நாம் ஆராய்ந்து கண்டவற்றுள் பொய் சொல்லாமை போன்ற நல்லது ஒன்றைக் கண்டதில்லை.
செல்லா விடத்துச் சினந்தீது செல்லிடத்து
மில்லதனிற் தீய பிற
இளங்குமரனார்
வலியவரிடத்துச் சிளங் கொள்ளல் தீமையாம்; அதனினும் தீமை மெலியவரிடத்துச் சினமடைதல்.
நகையு முவகையுங் கொல்லுஞ் சினத்திற்
பகையு முளவோ பிற
இளங்குமரனார்
சிரிப்பையும் மகிழ்வையும் அழிக்கும் சினத்தைப் பார்க்கிலும் தனக்குப் பகையானவை எவையும் இல்லை.
நெடும்புனலுள் வெல்லு முதலை யடும்புனலு
ணீங்கி னதனைப் பிற
இளங்குமரனார்
பெரிய நீர் நிலையில் முதலை வெல்லும், ஆனால் அந்நீரை நீங்கினால் மற்றவையே வெல்லும்.
வினைத்திட்ப மென்ப தொருவன் மனத்திட்ப
மற்றவை யெல்லாம் பிற
இளங்குமரனார்
செயல் உறுதி என்பது ஒருவன் மன உறுதியே மற்றைய உறுதிகள் எல்லாம் உறுதிகள் ஆகா.
நுண்ணிய மென்பா ரளக்குங்கோல் காணுங்காற்
கண்ணல்ல தில்லை பிற
இளங்குமரனார்
குறிப்பறிதலில் தேர்ந்தவர் என்பதை அளக்கும் அளவுகருவி கண்ணைப் போலப் பிறிதொன்று இல்லை.
கருமத்தா னாணுதல் நாணுத் திருநுதல்
நல்லவர் நாணுப் பிற
இளங்குமரனார்
இழிசெயல் செய்து வெட்கப் படுவதே வெட்கம்; மகளிர் கொள்ளும் வெட்கம் என்பது வேறு.
நயந்தவர்க்கு நல்காமை நேர்ந்தேன் பசந்தவென்
பண்பியார்க் குரைக்கோ பிற
இளங்குமரனார்
தரக்கூடாத பிரிவு ஒப்புதலைத் தந்தேன்; இனி என் நிறமாறுதல் துயரை எவர்க்குச் சொல்வேன்.