பழி
என்று முடியும் குறள்கள்
செயற்பால தோரு மறனே யொருவற்
குயற்பால தோரும் பழி
இளங்குமரனார்
ஒருவன் செய்யத்தக்கது அறச் செயலே; அவன் விலக்கத்தக்கது அறமல்லாச் செயலே.
ஒழுக்கத்தி னெய்துவர் மேன்மை யிழுக்கத்தி
னெய்துவ ரெய்தாப் பழி
இளங்குமரனார்
ஒழுக்கமுடைமையால் எவரும் பெருமை பெறுவர்; அஃதில்லாமையால் சிறுமையே அடைவர்.
எளிதென வில்லிறப்பா னெய்துமெஞ் ஞான்றும்
விளியாது நிற்கும் பழி
இளங்குமரனார்
எளிதாக அடையலாம் என்று பிறன் மனை செல்வானுக்கு எப்பொழுதும் பழி நீங்காமல் நிலைபெறும்.
அற்றாரைத் தேறுத லோம்புக மற்றவர்
பற்றிலர் நாணார் பழி
இளங்குமரனார்
ஒழுக்கம் இலாரைத் தெளிதல் ஆகாது. அவர் பற்றுதலும் கொள்ளார்; பழிக்கும் நாணார்.
பொறியின்மை யார்க்கும் பழியன் றறிவறிந்
தாள்வினை யின்மை பழி
இளங்குமரனார்
உறுப்புக்குறை எவாக்கும் குறையாகாது; உறுப்பிருந்தும் அறிவுடன் முயற்சி செய்யாமையே குறையாகும்.