பலர்
என்று முடியும் குறள்கள்
மனத்தது மாசாக மாண்டார்நீ ராடி
மறைந்தொழுகு மாந்தர் பலர்
இளங்குமரனார்
மனத்தில் களங்கம் வைத்து, உயர்ந்தவர் போல் தோன்றிக் கரவாக வாழ்பவர் பலர்.
உடைத்தம் வலியறியா ரூக்கத்தி னூக்கி
யிடைக்கண் முரிந்தார் பலர்
இளங்குமரனார்
தம் வலிமையை அறியாமல் செய்யத் தொடங்கிவிட்டு இடையே முடியாமல் அதனைக் கைவிட்டவர் பலராவர்.
எனைவகையாற் றேறியக் கண்ணும் வினைவகையான்
வேறாகு மாந்தர் பலர்
இளங்குமரனார்
எத்தனை வழிகளால் ஆராய்ந்தாலும் செயல்நிலையில் வேறுபடும் மாந்தர் பலராவர்.
பொதுநோக்கான் வேந்தன் வரிசையா நோக்கி
னதுநோக்கி வாழ்வார் பலர்
இளங்குமரனார்
ஆள்வோன் பொதுவாகக் கருதாமல் ஒருவர் சிறப்பு நிலையைக் கருதினால் அதனைக் கருதி வாழ்வாரும் பலர்.
அரிதாற்றி யல்லனோய் நீக்கிப் பிரிவாற்றிப்
பின்னிருந்து வாழ்வார் பலர்
இளங்குமரனார்
பிரிவைத் தாங்கித் துயர் பொறுத்து அதன் மேலும் உயிரோடு இருப்பவர் பலரே போலும்!