உயிர்க்கு
என்று முடியும் குறள்கள்
சிறப்பீனுஞ் செல்வமு மீனு மறத்தினூஉங்
காக்க மெவனோ வுயிர்க்கு
இளங்குமரனார்
அறம் புகழையும் தரும்; பொருளையும் தரும்; ஆதலால், உயிர்க்கு நலமாவது அதுவே.
காக்க பொருளா வடக்கத்தை யாக்க
மதனினூங் கில்லை யுயிர்க்கு
இளங்குமரனார்
அடக்கத்தைச் சிறந்த பொருளாகக் காக்க வேண்டும்; அதனினும் உயிர்க்கு நலம் வேறொன்றும் இல்லை.
ஏதிலார் குற்றம்போற் றம்குற்றங் காண்கிற்பிற்
றீதுண்டோ மன்னு முயிர்க்கு
இளங்குமரனார்
பிறர் குற்றங்களைக் காண்பது போல் தம் குற்றத்தையும் கண்டால் மக்களுக்குத் தீமை வருதல் உண்டோ?
ஈத லிசைபட வாழ்த லதுவல்ல
தூதிய மில்லை யுயிர்க்கு
இளங்குமரனார்
கொடுத்தலும் புகழோடு வாழ்தலும் போல உயிர்க்கு வருமாளமாவது வேறொன்றும் இல்லை.
புக்கி லமைந்தின்று கொல்லோ வுடம்பினுட்
டுச்சி லிருந்த வுயிர்க்கு
இளங்குமரனார்
உடலுள் சிறிது காலம் தங்கியிருந்த உயிர் நிலைபேறாகத் தங்குவதற்குரிய இடம் ஒன்றும் இல்லையோ?
எண்ணென்ப வேனை யெழுத்தென்ப யிவ்விரண்டுங்
கண்ணென்ப வாழு முயிர்க்கு
இளங்குமரனார்
மக்கட் பிறவிக்கு அறிவியல் கலையியல் என்று சொல்லப்படும்இரண்டும் கண்கள் ஆகும்.
துளியின்மை ஞாலத்திற் கெற்றற்றே வேந்த
னளியின்மை வாழு முயிர்க்கு
இளங்குமரனார்
ஆட்சியரின் இரக்கமில்லாமை, மழை இல்லாமையால் உலகுக்கு ஏற்படும் துன்பம் போல் துன்பமாம்.
மாறுபா டில்லாத உண்டி மறுத்துண்ணின்
ஊறுபா டில்லை யுயிர்க்கு
இளங்குமரனார்
ஆசையை அடக்கி மாறுபாடு செய்யாத உணவை உண்டால் எத்தீமையும் இல்லை.