இன்பம்
என்று தொடங்கும் குறள்கள்
இன்ப மிடையறா தீண்டு மவாவென்னுந்
துன்பத்துட் டுன்பங் கெடின்
இளங்குமரனார்
ஆசை எனப்படும் பெருந்துன்பம் இல்லாவிடின் இன்பம் தொடர்ந்து உண்டாகும்.
இன்பம் விழையான் வினைவிழைவான் றன்கேளிர்
துன்பந் துடைத்தூன்றுந் தூண்
இளங்குமரனார்
இன்பத்தை விரும்பாமல் செயலையே விரும்புபவன் தன் உறவினர் துயரைத் துடைக்கும் வலிய தூணாவன்.
இன்பம் விழையா னிடும்பை யியல்பென்பான்
றுன்ப முறுத லிலன்
இளங்குமரனார்
இன்பத்தை விரும்பாது துன்பத்தை இயல்பானது என்பவன் துன்பம் அடையான்.
இன்ப மொருவர்க் கிரத்த லிரந்தவை
துன்பம் முறாஅ வரின்
இளங்குமரனார்
கேட்டுப் பெறுதலும் இன்பமே; கேட்டவை தடை யில்லாமல் கிடைக்கும் என்றால்.
இன்பங் கடலற்றுக் காமமற் றஃதடுங்கால்
துன்ப மதனிற் பெரிது
இளங்குமரனார்
காதல் இன்பம் கடல் போன்றதே. ஆனால் பிரிவுத் துன்பமோ அதனிலும் பெரியது.