அறிவு
என்று தொடங்கும் குறள்கள்
அறிவற்றங் காக்குங் கருவி செறுவார்க்கு
முள்ளழிக்க லாகா வரண்
இளங்குமரனார்
அழிவு நேராமல் காக்கும் படைக்கலம் அறிவாகும்; அது உட்புகுந்து அழிக்க முடியாத கோட்டையு மாகும்.
அறிவுடையா ராவ தறிவா ரறிவிலா
ரஃதறி கல்லா தவர்
இளங்குமரனார்
அறிவுடையவர் எனப்படுபவர் வருவது அறிபவர்; அறிவில்லாதவர் என்பார் அவ்வாறு அறியாதவர்.
அறிவுடையா ரெல்லா முடைய ரறிவிலா
ரென்னுடைய ரேனு மிலர்
இளங்குமரனார்
எல்லாமும் உடையவர் என்பவர் அறிவுடையவரே; அறிவில்லாதவர் எவற்றையும் உடையவர் ஆகார்.
அறிவுரு வாராய்ந்த கல்வியிம் மூன்றின்
செறிவுடையான் செல்க வினைக்கு
இளங்குமரனார்
அறிவும் தோற்றமும் ஆய்வுடைய கல்வியும் என்பவை நிரம்பியவன் தூது சொல்லுவதற்குச் செல்வானாக.
அறிவின்மை யின்மையு ளின்மை பிறிதின்மை
இன்மையா வையா துலகு
இளங்குமரனார்
இல்லாமையுள் இல்லாமை அறிவில்லாமை; மற்றை இல்லாமையை இல்லாமையாக உலகம் பழியாது.
அறிவிலா னெஞ்சுவந் தீதல் பிறிதுயாதும்
இல்லை பெறுவான் றவம்
இளங்குமரனார்
அறிவிலி மனம் மகிழ்ந்து கொடுப்பதற்கு வேறு காரணமில்லை; அதனைப் பெறுபவன் பெற்ற பேறே ஆகும்.
அறிவிலார் தாந்தம்மைப் பீழிக்கும் பீழை
செறுவார்க்குஞ் செய்த லரிது
இளங்குமரனார்
அறிவிலி தனக்குத்தானே உண்டாக்கும் துன்பம் பகைவராலும் செய்தற்கு இயலாது.