அறன்
என்று தொடங்கும் குறள்கள்
அறனெனப் பட்டதே யில்வாழ்க்கை யஃதும்
பிறன்பழிப்ப தில்லாயி னன்று
இளங்குமரனார்
அறம் என்று சொல்லப்படுவது இல்வாழ்வே; அவ்வாழ்வு பழிப்பற்றதாக இருத்தல் மிக நலமாம்.
அறன்கடை நின்றாரு ளெல்லாம் பிறன்கடை
நின்றாரிற் பேதையா ரில்
இளங்குமரனார்
அறநெறியைக் கடைப்பிடியாதவருள் பிறன்மனைவியை, விரும்பி நிற்பவரைப் போன்றவர் எவரும் இலர்.
அறனியலா னில்வாழ்வா னென்பான் பிறனியலாள்
பெண்மை நயவா தவன்
இளங்குமரனார்
அறநெறியில் இல்வாழ்வு வாழ்பவன், பிறனுக்குரியவளை விரும்பமாட்டான்.
அறன்வரையா னல்ல செயினும் பிறன்வரையாள்
பெண்மை நயவாமை நன்று
இளங்குமரனார்
அறம் அல்லாதவற்றைச் செய்தாலும் பிறனுக்கு உரியவளை விரும்பாதிருத்தல் நன்மையாகும்.
அறனாக்கம் வேண்டாதா னென்பான் பிறனாக்கம்
பேணா தழுக்கறுப் பான்
இளங்குமரனார்
பிறர் நலம் கண்டு பொறாமைப்படுபவன் அறத்தையும் நலத்தையும் வேண்டா என இழப்பவனாவான்.
அறனறிந்து வெஃகா வறிவுடையார்ச் சேருந்
திறனறிந் தாங்கே திரு
இளங்குமரனார்
அறமுறை அறிந்து பிறர் பொருளை விரும்பாத அறிவினரின் இயல்பறிந்து அவரைச் செல்வம் சேரும்.
அறனழீஇ யல்லவை செய்தலிற் றீதே
புறனழீஇப் பொய்த்து நகை
இளங்குமரனார்
அறத்தை அழித்து அறம் அல்லாதவற்றைச் செய்வதினும் தீதாகும் புறத்தே பழித்துப் பொய்யாகச் சிரிப்பது.
அறன்நோக்கி யாற்றுங்கொல் வையம் புறநோக்கிப்
புன்சொ லுரைப்பான் பொறை
இளங்குமரனார்
புறத்தே பார்த்துப் பழி சொல்பவனை உலகம் அறம் கருதித்தான் சுமந்து கொண்டுள்ளதோ?
அறனிழுக்கா தல்லவை நீக்கி மறனிழுக்கா
மான முடைய தரசு
இளங்குமரனார்
அறநெறி தவறாமல் அறமல்லாதவற்றை விலக்கி, வீரம் மாறாத பெருமையதே சிறந்த அரசாகும்
அறனறிந்து மூத்த வறிவுடையார் கேண்மை
திறனறிந்து தேர்ந்து கொளல்
இளங்குமரனார்
அறத்தை அறிந்து முதிர்ந்த அறிவினை உடையவர் நட்பைப் பெறுகின்ற முறையால் பெற்றுக் கொள்ள வேண்டும்.
அறனறிந் தான்றமைந்த சொல்லானெஞ் ஞான்றுந்
திறனறிந்தான் றேர்ச்சித் துணை
இளங்குமரனார்
அறத்தை அறிந்து, நிறைந்தமைந்த சொல்லையுடையவன், எப்பொழுதும் ஆராயத்தக்க துணை ஆவன்.
அறனீனு மின்பமு மீனுந் திறனறிந்து
தீதின்றி வந்த பொருள்
இளங்குமரனார்
முறையாயும் தீமையில்லாதும் தேடியபொருள் அறமும் தரும்; இன்பமும் தரும்.
அறஞ்சாரா நல்குர வீன்றதா யானும்
பிறன்போல நோக்கப் படும்
இளங்குமரனார்
நேர்மையொடு பொருந்தாத வறுமையடைந்தால் பெற்றதாயும் அவனை அயலாக நினைப்பாள்.