பவர்க்கு
என்று முடியும் குறள்கள்
பொருளாட்சி போற்றாதார்க் கில்லை யருளாட்சி
யாங்கில்லை யூன்றின் பவர்க்கு
இளங்குமரனார்
பொருள் வளம் அதனைப் போற்றிக் கொள்ளாதவர்க்கு இல்லை. அருள் வளமும் அவ்வாறே புலால் உண்பவர்க்கு இல்லை.
சுடச்சுடரும் பொன்போ லொளிவிடுந் துன்பஞ்
சுடக்சுட நோற்கிற் பவர்க்கு
இளங்குமரனார்
துன்பம் வருத்த வருத்த உறுதி குறையாதவர், சுடச்சுட ஒளியுறும் பொன்போல் ஒளியுறுவர்.
வாளொடென் வன்கண்ண ரல்லார்க்கு நூலொடென்
னுண்ணவை யஞ்சு பவர்க்கு
இளங்குமரனார்
வீரர் அல்லார்க்குக் கருவியோடு என்ன தொடர்பு? அஞ்சுவார்க்கு நூலொடு என்ன தொடர்பு?
நாடாது நட்டலிற் கேடில்லை நட்டபின்
வீடில்லை நட்பாள் பவர்க்கு
இளங்குமரனார்
ஆராயாமல் நட்புச் செய்தலினும் கேடாவது இல்லை; ஏனெனில் நட்புச் செய்தபின் அவரை விடுவது அரிதாகும்.
கடனென்ப நல்லவை யெல்லாங் கடனறிந்து
சான்றாண்மை மேற்கொள் பவர்க்கு
இளங்குமரனார்
பிறவிநோக்கம் அறிந்த சால்புடையவர்க்கு, நலமானவை எல்லாம் செய்வதே கடமையாம்.
சூழாமற் றானே முடிவெய்துங் தங்குடியைத்
தாழா துஞற்று பவர்க்கு
இளங்குமரனார்
குடும்பத்தை மேம்படுத்தும் முயற்சியினர்க்கு அவர் அதை எண்ணுமுன்னரே நிறைவேறிவிடும்.
ஒருநா ளெழுநாள்போற் செல்லுஞ்சேட் சென்றார்
வருநாள்வைத் தேங்கு பவர்க்கு
இளங்குமரனார்
பிரிந்து அப்பால் போனவர் வருநாளை எண்ணுபவர்க்கு ஒரு நாள், ஏழுநாள் போலும்!